Joǵarǵy Sottyń qylmystyq ister jónindegi sot alqasynyń tóraiymy Nazgúl Rahmetýllina "Dikii Arman" degen laqap atpen belgili Arman Jumageldiev pen Almaty qalalyq máslihatynyń burynǵy depýtaty Qairat Qudaibergen isine qatysty pikir bildirdi, dep habarlaidy Dalanews.kz.
BAQ ókilderi Kárim Másimov pen Samat Ábish isine qatysty sot sheshimi shyqqanyn, degenmen Arman Jumageldiev pen Qairat Qudaibergenniń isi nelikten caǵyzsha sozylyp jatqanyn surady.
Rahmetýllina óz kezeginde sotqa túsken ister bir-birine uqsamaitynyn, osy tusta atalǵan kúdiktilerdiń sot tergeýi áli aiaqtalmaǵanyn atap ótti.
"Bir epizodtan turatyn is bar, onda bir jábirlenýshi, bir kýáger - ony birneshe sessiiada aiaqtaýǵa bolady. 50 sottalýshy, 250 jábirlenýshi, sot tolyǵymen tekserýge mindetti kóptegen qylmystyq is materialy bar ister bar. Sáikesinshe, onyń qashan aiaqtalatynyn aita almaimyn. Munyń bárin sot jeke sheshedi. Búgingi tańda meniń bilýimshe, is áli aiaqtalǵan joq", - dedi Rahmetýllina.
Eske salaiyq, Arman Jumageldiev pen eks-depýtat Qairat Qudaibergenniń isine qatysty aldyn ala sot tyńdalymy 14 qyrkúiekte bastalǵan edi. Olar Qańtar oqiǵasy kezinde jappai tártipsizdikti uiymdastyrýǵa qatysty degen kúdikke ilindi. Ekeýine "Bilikti nemese laýazymdyq ókilettikterdi asyra paidalaný" (QK 362-baby), uiymdasqan qylmystyq top qurý, oǵan basshylyq etý jáne oǵan qatysý (QK 262-bap), qaraqshylyq shabýyl (QK 191-bap), zańsyz bas bostandyǵynan aiyrý (QK-niń 126-baby), 2022 jylǵy qańtardaǵy jappai tártipsizdikterdi uiymdastyrý jáne olarǵa qatysý (QK 272-bap), banditizm (QK 268-bap) boiynsha aiyptar taǵyldy.
