Osyǵan deiin radio júrgizýshi áleýmettik jelilerde Reseidiń Ýkrainaǵa basyp kirýin aiyptaǵandarǵa qarsy pikirler jazyp, "diadia Vovany" kómekke shaqyratynyn aitqan.
Qazaqstandyq internet qoldanýshylar Panovanyń bul málimdemesin Ýkrainaǵa soǵys ashýǵa buiryq bergen Resei prezidentine shaǵymdanýy dep balaidy.
Liýbov Panova istegen "Eýropa pliýs Qazaqstan" radio stantsiiasy qyzmetkeriniń áleýmettik jelidegi jazbasy radionyń saiasatyn bildirmeitinin aityp, biraq júrgizýshimen eńbek kelisimin toqtatqanyn jariialady.
Almaty politsiiasy bul is "Ultaralyq arazdyqty qozdyrý" baby boiynsha qaralatynyn jetkizdi.
28 naýryzda Qazaqstannyń bas prokýratýrasy "ultaralyq arazdyqty qozdyrý", "basqa ólkeniń aimaǵyndaǵy soǵys áreketterine qatysty úndeý jasaý", "ondai janjaldarǵa qatysý" jáne "Qazaqstannyń aimaqtyq tutastyǵyn buzýǵa shaqyrý" boiynsha qylmystyq jaýapkershilik bar ekenin eskertti.
