Qazaqstandyq boksshy, Sidneidegi 2000 jylǵy Olimpiada oiyndarynyń chempiony jáne Atlantadaǵy 1996 jylǵy Olimpiada oiyndarynyń qola júldegeri Ermahan Ibraimovtiń TikTok-taǵy tikelei efiri talqyǵa tústi, dep habarlaidy Dalanews.kz.
Videoda boksshy óziniń jumys kabinetinde TikTok-taǵy tikelei efirde otyrǵanyn baiqaýǵa bolady. Efir barysynda oqyrmandary boksshyǵa túrli suraq qoiǵan.
"Myna jerde bireý "po razam, kettik" depti. Dýhyń shydasa, kettik. Al bylai, dýhyń shydamaidy-aý. "Alǵa basa ber, aǵa" deidi. Lýgovoi, Aqtóbe, Astana - meni qoldap jatqandar. Al qoldamaityndardyń tizimin jasaimyn, sol eldimekenderge arnaiy boksshy jigitterdi jiberemiz", deidi boksshy.
Aita keteiik,Ermahan Ibraimov – ataqty qazaqstandyq boksshy, Sidneide ótken 2000 jylǵy Olimpiada oiyndarynyń chempiony. Ol 1972 jyly Jambyl oblysynda dúniege kelgen jáne bokspen 11 jasynan bastap ainalysa bastaǵan. Sporttaǵy jolynda Aziia chempionatynyń, álem birinshiliginiń júldegeri atanyp, 1996 jyly Atlantada Olimpiadanyń qola medalin jeńip aldy. Sporttyq mansabyn aiaqtaǵan soń, ulttyq quramanyń bas bapkeri, Olimpiadalyq daiyndyq ortalyǵynyń direktory bolyp qyzmet etti. Qazir ol – Almaty qalalyq máslihatynyń depýtaty ári sport salasynda belsendi qoǵamdyq jumys júrgizip júr.
