Keńes osyndaı jolmen Shyńjańda qýǵyn-cúrgin kórip jatqan musylmandardy qoldaýdy sheshken.
Keńes málimdemesine Reseı, Oman, Egıpet jáne basqa da eldiń múftıleri qol qoıǵan. Budan bólek Dúnıejúzilik uıǵyr kongresi jetekshileriniń qoly bar.
«Dúnıejúzilik ımamdar keńesi – Islam dinindegi barlyq aǵymdar men mazhabtardyń lıderlerinen turatyn musylman álemindegi eń alǵashqy jáne eń iri transulttyq úkimettik emes uıym. Biz qýǵynǵa ushyrap jatqan musylmandardy qoldaımyz. Qytaı úkimeti dıktatýrasy arqyly eldegi musylmandardyń quqyǵyn, jalpy adam quqyǵyn buzyp jatyr. Dúnıejúzilik ımamdar keńesi Najaf qalasyndaǵy Qasıetti Islam oqý orny men Islam álemindegi belgili múftıler tarabynan berilgen uıǵarymǵa sáıkes, musylmandardy Beıjińdegi Olımp oıyndaryna qatysýǵa tyıym salý týraly sheshim shyǵardyq. Bul oıyndar uıǵyrlardyń genosıdi úshin jaýapty bolǵan tırandyq jáne despottyq rejımniń múddesine qyzmet etedi» dep jazylǵan málimdemede.
Budan bólek málimdemede keńes «Beıjińde ótetin qysqy Olımp oıyndaryna boıkot jarıalaǵan uıymdardyń kóbeıip jatqanyn» quptaıtynyn bildirgen.
Osynyń aldynda AQSH bastaǵan birqatar elder Beıjińdegi oıyndarǵa dıplomatıalyq boıkot jarıalaǵan.
Halyqaralyq quqyq qorǵaý uıymdary Shyńjańda musylmandardy qaıta tárbıelerý lagerin qurǵan kórinisterdi genosıd dep atap, Batys elderi Qytaıdyń birqatar sheneýnikterine sanksıa salǵan.
Taǵy oqyńyz:
