8-13 qyrkúiek aralyǵynda elordada 5-shi Dúniejúzilik kóshpendiler oiyndary ótedi. Jarys ótetin sport nysandarynyń biri – J.Úshkempirov atyndaǵy Jekpe-jek saraiy. Munda ulttyq kúres túrleri boiynsha jarystar ótedi: qazaq kúresi, koresh jáne alysh, dep habarlaidy ákimdiktiń resmi saity 5-shi Dúniejúzilik kóshpendiler oiyndarynyń direktsiiasyna silteme jasap.
Sport kesheni 2021 jyldyń 8 qyrkúieginde Qabanbai batyr dańǵyly men Kerei men Jánibek handar kósheleriniń qiylysynda el Táýelsizdiginiń 30 jyldyǵyna orai ashyldy.
Jaqsylyq Úshkempirov – klassikalyq stildegi balýan, Olimpiada chempiony, Qazaqstannyń Eńbek Eri, eńbek sińirgen sport sheberi, álem chempiony, Qazaqstannyń eńbek sińirgen jattyqtyrýshysy.
Jekpe-jek saraiy 3 294,6 sharshy metrlik zamanaýi arenamen jáne 5000 kórermenge arnalǵan syiymdylyqpen jabdyqtalǵan. Munda respýblikalyq jáne halyqaralyq deńgeidegi jarystar men chempionattar ótkiziledi.
Sarai sonymen qatar arbamen qozǵalatyndarǵa arnalǵan arnaiy oryndarmen, sondai-aq arenaǵa kirý úshin panoramalyq liftpen jabdyqtalǵan.
Eske sala keteiik, oiyndarǵa álemniń 89 elinen 2000-ǵa jýyq sportshy qatysady.
Oiyndar úsh baǵyt boiynsha ótedi – sport, mádeniet jáne ǵylym.
Dúniejúzilik kóshpendiler oiyndarynyń infraqurylymyna elordalyq 6 nysan kirdi: «Astana-Arena» stadiony, «Qazanat» ippodromy, J.Úshkempirov atyndaǵy Jekpe-jek saraiy, «Alaý» muz saraiy, «Qazaqstan» jeńil atletikalyq sport kesheni, «Dýman» kesheni.
