Búgin, 9 qyrkúiek kúni saǵat 09:09-da 5-shi Dúniejúzilik kóshpendiler oiyndary baǵdarlamasy aiasynda Toǵyzqumalaqtan alǵashqy oiyndar bastaldy, dep habarlaidy Dalanews.kz.
Qatysýshylardyń alǵashqy júristeri 9 oiynshydan turatyn 9 ústeldik taqtada, 9 uiadan bastalyp, esepteý jyldamdyǵymen saiysqa tústi. Ýaqyttyń mundai rámizdik tańdaýy Toǵyzqumalaq kúnine orailastyrylyp, Kóshpendiler oiyndary aiasynda ótkizilip otyr. 2020 jyldan beri bul oqiǵa Dúniejúzilik toǵyzqumalaq federatsiiasynyń bastamasymen atalyp ótedi.
Ashylý saltanatynda sóz sóilegender: Respýblikalyq toǵyzqumalaq federatsiiasynyń prezidenti Álihan Báimenov, 5-shi Dúniejúzilik kóshpendiler oiyndaryna daiyndyq direktsiiasynyń basshysy Nail Nurov jáne QR Týrizm jáne sport vitse-ministri Serik Jarasbaev.
Quttyqtaý sózinde Respýblikalyq toǵyzqumalaq federatsiiasynyń prezidenti Álihan Báimenov bul kúni toǵyzqumalaq logikalyq oiyny boiynsha rekordtar ornatýǵa arnalǵan mańyzdy sharanyń da ótip jatqanyn atap ótti.
"Saǵat 09:00-den 21:00-ge deiin 150 myńnan astam adam mektepterde, ýniversitetterde, kolledjderde jáne jumys oryndarynda óz taqtalaryn paidalana otyryp, blits formatynda toǵyzqumalaq oinaidy. Al osy aitýly kúnge orai toǵyzqumalaqtyń ziiatkerlik oiynynyń jiyntyǵy ashyq ǵaryshqa jiberildi", – dedi Álihan Báimenov.
Osylaisha, 5-shi Dúniejúzilik kóshpendiler oiyndary aiasyndaǵy toǵyzqumalaq týrnirinde óz sheberlikterin 41 elden, onyń ishinde Kolýmbiia, Bangladesh, Ulybritaniia, Frantsiia, Germaniia, AQSh, Qytai, Latviia, Afrika elderi jáne arab elderinen kelgen 114 qatysýshy kórsetedi.
Aita keteiik, Astana qalasyndaǵy "Dýman" qonaqúiinde 13 qyrkúiekke deiin toǵyzqumalaq, Mangala jáne Ovari oiyndary boiynsha jarystar ótedi.
Toǵyzqumalaq – qazaq halqynyń dástúrli ulttyq oiyndarynyń biri, ol ziiatkerlik qabiletterdi damytýǵa arnalǵan. 2020 jyly toǵyzqumalaq IýNESKO-nyń adamzattyń mádeni muralary tizimine engizildi. Al 2022 jyly Dúniejúzilik toǵyzqumalaq federatsiiasynyń sheshimimen 9 qyrkúiek Toǵyzqumalaq kúni bolyp belgilendi. Dúniejúzilik jáne Qazaqstandyq toǵyzqumalaq federatsiiasynyń prezidenti – Álihan Báimenov. Federatsiia ótken jyldan beri QR Ulttyq sport qaýymdastyǵynyń quramyna kiredi.
Ovari – Batys Afrika halyqtarynyń ziiatkerlik oiyny, ony eki adam oinaidy. Oiyn taqtasynda eki qatardan turatyn alty birdei uia ornalasqan, olar 12 kishkentai uiany quraidy jáne jinalǵan tastardy saqtaýǵa arnalǵan úlken uialar bar. Ovari oiyny 48 sharmen oinalady.
Mangala – túrik halqy arasynda tanymal ziiatkerlik oiyn. Ony da eki oiynshy oinaidy, oiyn taqtasynda alty birdei uiadan turatyn eki qatar ornalasqan, olar 12 kishkentai uiany quraidy jáne sharlardy saqtaýǵa arnalǵan úlken uialar bar. Mangala oiyny 48 sharmen oinalady.
