"Qazaq ádebietiniń klassigi Dýlat Isabekovtiń úiindegi jeńgemiz Nurǵaisha Jarmuqamedova qaitys boldy degen habar qabyrǵamyzdy qaiystyryp ketti. Ol kisi aýyryp júrgen joq edi, búgin tańerteń júregi ustap qaldy deidi.
Jaqynda ǵana kókemizge sálem berýge úige barǵanda jarqyldap júrip qarsy alyp, seksenge kelse de sergektigin kórsetip, kelinderden beter júgirip, dastarhanyn jaiyp shyǵaryp salyp edi", - dedi Qazybek Isa.
Dýlat Isabekov pen Nurǵaisha Jarmuqamedovanyń Estiiar esimdi uly, Aiman jáne Sholpan degen egiz qyzy bar. Úsh baladan nemere, shóbere súiip otyrǵan Dýlat Isabekov qazir 80 jasta.
Dýlat Isabekov pen Nurǵaisha Jarmuqamedova joǵary oqý ornynda tanysqan. Dýlat Isabekov jarynan bir kýrs joǵary oqyǵan. Erli-zaiypty Almatyda 1966 jyly otbasyn qurǵan.
