Balalar úiiniń tárbielenýshileri mekeme direktory Gúlmira Bashirovanyń jetekshiligimen kelgen qonaqtarǵa ózderiniń turǵan úilerin kórsetip, ekskýrsiia ótkizdi. Ólketaný úiirmesiniń músheleri Chernoretsk balalar úiiniń 70 jyldyǵyna jinalǵan materialdarǵa bai murajaimen tanystyrdy.
Tanysyp bolǵan soń, balalar úiiniń tárbielenýshileri men litseilikterdiń birikken kontserti ótti. Qazaq-túrik litseiiniń 8 «a» synyp oqýshylary ózderiniń bilimdi ekenin kórsetýmen qatar, ulttyq aspaptarda oinaityndyqtaryn kórsete aldy. Jáne olardyń tárbieshileri Qanat Ertaev úiretken «Halai» túrik biimen zaldy kóńildendirdi.
Óz kezegine qonaqtardyń aldynda «Steps» horeografiialyq toby men respýblikalyq «Tań sholpan» baiqaýynyń laýreaty Dáýlet Ahanov , keremet biimen, «Jasa, Qazaqstan» ánimen qarsy aldy.
QTL-dyń ata-analary barlyq balalarǵa oiyn-saýyq baǵdarlamasyn syiǵa tartty. Bul ánshi Maýsym men illiýzionist–fokýsshy Eldardyń kórsetilimi edi. Olar merekege jarqyn boiaýlar qosyp, kórermenderdi ózderiniń fokýstarymen, qoiylymdarymen tań qaldyryp, ǵajaiyp bir dúniege engizgendei boldy.
Balalar úiiniń stadionynda tárbieshiler, ata-analar jáne balalar jarysyp, kóńildi toptyq rýhty, ózara kómek kórsetýdi, januia birligin jáne jeńýdi aldyna qoiý siiaqty qasietterdi kórsete bildi. Tepe-teń túsken saiysta dostyq jeńdi.
Atalǵan merekeniń qorytyndysy bolyp, balalar úiiniń ashanasynda litseisterdiń analary daiyndaǵan mol dastarhan jaiyldy. Ústelde dastarqan mázirinde qoldan jasalǵan qazaq ulttyq taǵamdary, tátti– dámdilerdiń túr–túri boldy. Uly meiramdar qarsańynda, úlken otbasy bolyp jinalǵan bai dastarhannyń basynda árdaiym beibitshilik, qut-bereke, dostyq jáne birlik bolsyn degen tilekter aityldy.
Jazira Syzdyqova (ata-ana)
