AQSh prezidenti Donald Tramp 2026 jyldyń 14 maýsymynda, iaǵni óziniń týǵan kúninde, Aq úi aýmaǵynda alǵash ret UFC aralas jekpe-jek týrnirin ótkizetinin málimdedi. Bul týraly ol 5 qazanda Virdjiniia shtatyndaǵy Norfolk teńiz bazasynda sóilegen sózinde aitty, dep habarlaidy Dalanews.kz
UFC uiymynyń basshysy Deina Ýaittyń aitýynsha, týrnirden keiin ońtústik kógaldy qalpyna keltirý úshin 700 myń dollar bólinedi. Sondai-aq, bul shara AQSh táýelsizdiginiń 250 jyldyǵyna arnalǵan merekelik is-sharalardyń bir bóligi bolmaq.
Donald Tramp pen Deina Ýaittyń dostyǵy 2000-jyldardyń basynda bastalǵan. Sol kezde Tramp Atlantik-Sitidegi óziniń alańdaryn UFC týrnirlerine bergen edi — ol ýaqytta basqa arenalar mundai jarystardy qabyldaýdan bas tartqan bolatyn. Sodan beri Tramp jii jekpe-jek týrnirlerine qatysyp, bul sport túrine erekshe qyzyǵýshylyǵyn bildirip keledi.
Reuters agenttiginiń habarlaýynsha, buǵan deiin Tramp UFC týrnirin Aq úi mańynda ótkizgisi keletinin aitqan, alaida naqty kúnin kórsetpegen. Eger bul jospar júzege assa, tarihta alǵash ret Aq úide aralas jekpe-jek jarysy ótpek.
