D.Nazarbaeva: «Mekteptegi áskeri-patriottyq klýbtardy damytý qajet»
Jiynda sóilegen senator D.Nazarbaeva jastar arasynda patriottyq tárbie júrgizý arqyly joǵary rýhani-patriottyq qasietterdi, Otan aldyndaǵy mindetterin tereń sezinýmen azamattyq jaýapkershilik sezimin qalyptastyrý – memlekettik organdardyń, jastar uiymdarynyń, otbasymen qoǵamnyń maqsatty jáne jumyla áreket etýin talap etetinin atap ótti.
– Oqýshylardyń aqyl-oi, rýhani jáne kúsh-qýat áleýetin iske asyra alatyn mektepterdegi áskeri-patriottyq klýbtar osy baǵyttaǵy mańyzdy missiiany atqarady. Mektep ishindegi osyndai qurylymdar sany jyldan-jylǵa artyp keledi. Bul bolashaq patriottar tárbieleýge óte jaqsy múmkindik jáne ony barynsha paidalanýǵa bolady, – dedi Senat komitetiniń tóraǵasy. D.Nazarbaeva áskeri jasulandar qurylymdaryn qoldaý men damytý boiynsha biryńǵai respýblikalyq baǵdarlama qurýdy usyndy.
Búgingi kúni elimiz boiynsha 101 kadet synyptary jumys isteidi, onda 2800-den astam bala oqidy. Kadet synyptarynyń oqýshylary áskeri mamandyq negizderin, mentaldyq arifmetikany, bal bilerin, jekpe-jek ádisterin, shet tilderin, etikany úirenedi.
«Memleket basshysynyń tapsyrmalaryn oryndaý maqsatynda, sondai-aq aǵymdaǵy jyldyń aqpan aiyndaǵy kezdesýimizdiń usynymdaryn nazarǵa ala otyryp, biz memlekettik organdarmen jáne qoǵamdyq uiymdarmen júieli jumys retin qalyptastyrdyq. Kezekti kezdesýdiń ótip jatqany – osy tabysty yntymaqtastyqtyń jarqyn mysaly bola alady. Búgin jastarǵa áskeri-patriottyq tárbie berý jumysyna ardagerler uiymdaryn jáne áskeri qyzmetkerlerdiń otbasylarymen jumys isteý jónindegi qyzmetterdi belsendi túrde tartamyz. Aimaqtaǵy jáne búkil eldegi áskeri jasulandar qozǵalystaryn shoǵyrlandyrýda barlyq osy organdar pikirlesý alańdary rólin atqaryp otyr», – dep atap ótti Qorǵanys ministri, general-polkovnik Sáken Jasuzaqov.
Sharaǵa Parlament Senaty men Májilisiniń depýtattary, memlekettik organdar men quqyq qorǵaý organdarynyń basshylary, áskeri-patriottyq klýbtar men kadet synyptarynyń tárbielenýshileri qatysty.
Qorǵanys ministri Sáken Jasuzaqov Halyqaralyq qatynastar, qorǵanys jáne qaýipsizdik jónindegi komitetiniń tóraǵasy Dariǵa Nazarbaevaǵa «El qorǵany» birinshi dárejeli vedomstvolyq medalin tapsyrdy.
Sharanyń qorytyndysy boiynsha qatysýshylar elimizdegi áskeri-patriottyq jumysty odan ári jetildirý boiynsha yntymaqtastyq pen ózara árekettestik týraly memorandýmǵa qol qoidy.
«QmD» aqparat
