Reseı premer-mınıstri Dmıtrıı Medvedev Sybaılasqan jemqorlyqpen kúres qorynyń zertteýine qatysty alǵash ret pikir bildirdi.

Reseı úkimet basshysynyń pikirinshe, "zertteý deýge turmaıtyn" mundaı áreketterdiń artynda adamdardy kóshege alyp shyǵý, saıası jáne jeke múddelerge umtylys pıǵyly jatyr.

Sybaılasqan jemqorlyqpen kúres qorynyń negizin qalaýshy Alekseı Navalnyıdy premer Medvedev "prezıdent bolǵysy keletin tanymal personaj" dep atady. Zertteýdiń mazmunyn Medvedev "kompot" tárizdes "byljyraq" dep sıpattady.

Medvedevtiń aıtýynsha, ol túrli arandatýshylyq áreketterge qaramastan, jumysyn jalǵastyra beredi.

26 naýryzda Reseıdiń barlyq derlik aımaqtarynda narazylyq mıtıńteri ótti.

Reseı prezıdenti Vladımır Pýtın ony "arab kóktemi" men "Eýromaıdanǵa" teńedi.

 

https://www.youtube.com/watch?v=hTRbzvKF6RQ