Gollıvýd juldyzy Andjelına Djolı jary Bred Pıttiń 50 jasqa tolǵan mereıtoıyna oraı júrek pishindes araldardyń birin syıǵa tartýǵa oqtalǵanyn álemdik aqparat quraldary jarysa jazyp jatyr.
Andjelına Djolıdiń satyp alatyn araly Nú-Iork qalasynan 80 shaqyrym qashyqtyqta ornalasqan. 4,5 gektardy quraıtyn araldyń quny 20 mln. dollarǵa baǵalanypty. 1950 jyldan bastap ıgerile bastaǵan shaǵyn aralda tikushaq qonatyn alańqaı men záýlim úıi bar. Eń bastysy araldaǵy nysandardy Bred Pıtt qatty unatatyn sáýletshi Frenk Raıt turǵyzǵanyn aıta ketýimiz kerek. Osylaısha Andjelına Djolı súıiktisiniń júregine jol taýyp, kóńilinen shyǵýdy maqsat tutýda. Gollıvýdtyń juldyzdy juby birneshe jyldan beri qol ustasyp, birge ómir súrip kele jatqany belgili. Olar alty balanyń ata-anasy. Úsh bala ózderiniń balasy, al qalǵan úsh balany qos ǵashyq asyrap alǵan.
