Astanada ótken amerikalyq ánshi Djennifer Lopestiń kontsertinde janjal týyndady. Tártipsizdik jasaǵan áiel Pavlodar oblystyq politsiia departamenti bastyǵynyń birinshi orynbasary Dýman Qojahmetovtyń jubaiy kórinedi, dep habarlaidy Dalanews.kz.
Bul týraly aqparat aldymen Kozachkov offside Telegram arnasynda jariialandy.
"Kontsert kezinde birneshe áiel tóbelesken. Eń belsendisin stadionnan kóterip alyp shyǵýǵa týra kelgen. Keiin onyń Pavlodar oblystyq politsiia departamenti bastyǵynyń birinshi orynbasary Dýman Qojahmetovtyń jubaiy Zarina ekeni anyqtaldy. Ol – bes balanyń anasy", delingen jazbada.
Astana qalalyq politsiia departamenti de atalǵan jaǵdaiǵa qatysty túsinikteme berdi:
"Kontsert barysynda qoǵamdyq tártipti buzǵan áielge qatysty fakt tirkeldi. Janjaldyń ýshyǵýynyń aldyn alý úshin politsiia qyzmetkerleri ony is-shara aýmaǵynan shyǵardy. Qazirgi ýaqytta atalǵan derek boiynsha qylmystyq is qozǵaldy".
Buǵan deiin saitymyzda "Djei Lonyń etegimen alysqan depýtat jurttan sóz estidi" degen material jariialanǵan.
