استانادا ٶتكەن امەريكالىق ەنشٸ دجەننيفەر لوپەستٸڭ كونتسەرتٸندە جانجال تۋىندادى. تەرتٸپسٸزدٸك جاساعان ەيەل پاۆلودار وبلىستىق پوليتسييا دەپارتامەنتٸ باستىعىنىڭ بٸرٸنشٸ ورىنباسارى دۋمان قوجاحمەتوۆتىڭ جۇبايى كٶرٸنەدٸ, دەپ حابارلايدى Dalanews.kz.
بۇل تۋرالى اقپارات الدىمەن Kozachkov offside Telegram ارناسىندا جارييالاندى.
"كونتسەرت كەزٸندە بٸرنەشە ەيەل تٶبەلەسكەن. ەڭ بەلسەندٸسٸن ستاديوننان كٶتەرٸپ الىپ شىعۋعا تۋرا كەلگەن. كەيٸن ونىڭ پاۆلودار وبلىستىق پوليتسييا دەپارتامەنتٸ باستىعىنىڭ بٸرٸنشٸ ورىنباسارى دۋمان قوجاحمەتوۆتىڭ جۇبايى زارينا ەكەنٸ انىقتالدى. ول – بەس بالانىڭ اناسى", دەلٸنگەن جازبادا.
استانا قالالىق پوليتسييا دەپارتامەنتٸ دە اتالعان جاعدايعا قاتىستى تٷسٸنٸكتەمە بەردٸ:
"كونتسەرت بارىسىندا قوعامدىق تەرتٸپتٸ بۇزعان ەيەلگە قاتىستى فاكت تٸركەلدٸ. جانجالدىڭ ۋشىعۋىنىڭ الدىن الۋ ٷشٸن پوليتسييا قىزمەتكەرلەرٸ ونى ٸس-شارا اۋماعىنان شىعاردى. قازٸرگٸ ۋاقىتتا اتالعان دەرەك بويىنشا قىلمىستىق ٸس قوزعالدى".
بۇعان دەيٸن سايتىمىزدا "دجەي لونىڭ ەتەگٸمەن الىسقان دەپۋتات جۇرتتان سٶز ەستٸدٸ" دەگەن ماتەريال جارييالانعان.
