Qazaqstanda áıgili akter ári rejıser Djekı Channyń qatysýymen «Qudaı saýyty: Úkim» («Armour of God 4») atty ańyzǵa aınalǵan franshızanyń tórtinshi bólimi túsirilmek, dep habarlaıdy Dalanews.kz.
Bul týraly Digital Bridge 2025 forýmynda qazaqstandyq medıakompanıanyń bas dırektory Igor Saı málimdedi.
— Qazir biz Djekı Chan basty rólde oınaıtyn fılmdi birlesip túsirip jatyrmyz. «Qudaı saýyty 4» Qazaqstanda túsiriledi, — dedi ol.
Mıllıondaǵan kórermenniń kóńilinen shyqqan «Qudaı saýyty» serıasynyń jańa fılmi elimizdiń tabıǵaty men mádenıetin halyqaralyq arenada keńinen tanytýǵa múmkindik bermek.
