Qytaıdyń áıgili akteri Djekı Chandy otbasylyq ómirde joly bolmaǵan jandardyń qataryna jatqyzýǵa bolatyn shyǵar. Óıtkeni ol óziniń uly men qyzyna durys áke bola almady. 

Osydan birshama ýaqyt buryn onyń uly esirtkimen ustalyp, akterdiń abyroıyn aırandaı tókken edi. Endi onyń nekesiz áıelinen týǵan 15 jasar qyzy Et Ý Chjolın Djekı Chandy týǵan ákesi retinde elestete almaıtynyn ashyp aıtty. «Djekı Chan meniń bıologıalyq ákem bolsa da, ony eshqashan ákem dep eseptemeımin. Men úshin Djekı Chan ataqty juldyzdardyń biri»,  – dep akterdiń qyzy qysqa qaıyrǵan.

Esterińizge sala keteıik, 1998 jyly Djekı Chan Gonkongtaǵy sulýlyq baıqaýynda jeńiske jetken Eleın Ý Sılımen áýeı bolyp, sońynda ómirge náreste kelgen edi. Djekı Chan Eleın Ý Sılımen arada ortaq qyzdary bar ekenin kópshilik aldynda moıyndaǵan-dy. Al qyzdyń anasy bolsa ataqty aktermen kezdesýin ómirindegi úlken qatelikteriniń biri sanaıtynyn aıtqany esimizde. Endi sol qyz boıjetip, ákesine degen sezim joq ekenin aıtty. Bul Djekı Chanǵa aýyr soqqy bolyp tıgeni anyq.