قىتايدىڭ ايگىلى اكتەرى دجەكي چاندى وتباسىلىق ومىردە جولى بولماعان جانداردىڭ قاتارىنا جاتقىزۋعا بولاتىن شىعار. ويتكەنى ول ءوزىنىڭ ۇلى مەن قىزىنا دۇرىس اكە بولا المادى.
وسىدان ءبىرشاما ۋاقىت بۇرىن ونىڭ ۇلى ەسىرتكىمەن ۇستالىپ، اكتەردىڭ ابىرويىن ايرانداي توككەن ەدى. ەندى ونىڭ نەكەسىز ايەلىنەن تۋعان 15 جاسار قىزى ەت ۋ چجولين دجەكي چاندى تۋعان اكەسى رەتىندە ەلەستەتە المايتىنىن اشىپ ايتتى. «دجەكي چان مەنىڭ بيولوگيالىق اكەم بولسا دا، ونى ەشقاشان اكەم دەپ ەسەپتەمەيمىن. مەن ءۇشىن دجەكي چان اتاقتى جۇلدىزداردىڭ ءبىرى»، – دەپ اكتەردىڭ قىزى قىسقا قايىرعان.
ەستەرىڭىزگە سالا كەتەيىك، 1998 جىلى دجەكي چان گونكونگتاعى سۇلۋلىق بايقاۋىندا جەڭىسكە جەتكەن ەلەين ۋ سيليمەن اۋەي بولىپ، سوڭىندا ومىرگە نارەستە كەلگەن ەدى. دجەكي چان ەلەين ۋ سيليمەن ارادا ورتاق قىزدارى بار ەكەنىن كوپشىلىك الدىندا مويىنداعان-دى. ال قىزدىڭ اناسى بولسا اتاقتى اكتەرمەن كەزدەسۋىن ومىرىندەگى ۇلكەن قاتەلىكتەرىنىڭ ءبىرى سانايتىنىن ايتقانى ەسىمىزدە. ەندى سول قىز بويجەتىپ، اكەسىنە دەگەن سەزىم جوق ەكەنىن ايتتى. بۇل دجەكي چانعا اۋىر سوققى بولىپ تيگەنى انىق.
