Qazaqstan biligi 2028 jyly munai óndirý kólemin 100 mln tonnaǵa deiin arttyrýdy kózdep otyr. Bul týraly Energetika vitse-ministri Erlan Aqbarov málimdedi, dep habarlaidy dalanews.kz.
"2026 jáne 2027 jyldary munai óndirý kólemi shamamen 96 mln tonna bolady dep kútilip otyr. Al 2028 jyly bul kórsetkishti 100 mln tonnaǵa deiin jetkizýdi josparlap otyrmyz", – dedi vitse-ministr.
2026 jyldyń qańtar–tamyz ailarynda elde 61,688 mln tonna munai men gaz kondensaty óndirilgen. Bul ótken jyldyń sáikes kezeńindegi kórsetkishten 8,3 paiyzǵa az.
Qyrkúiekte óndiris kólemi taǵy 400–450 myń tonnaǵa qysqarýy múmkin. Buǵan Qarashyǵanaq ken ornyndaǵy josparly jóndeý jumystary sebep bolmaq.
