Atyraýda Prezident Qasym-Jomart Toqaevtyń tóraǵalyǵymen ótken III Ulttyq quryltai basy el yntymaǵyna arnalǵan sózben bastaldy. Memleket basshysy Q.Toqaev ziialy qaýymnyń bul iste airyqsha ról atqarǵany mańyzdy degen pikir aitty. «Qalamgerlerimiz, tipti, Shyńǵys hannyń tegi kim dep, aitysyp-tartysyp jatatyn boldy. Keńes zamanyndaǵy tulǵalardy, ásirese, Alash kósemderi men Keńes qairatkerlerin salystyryp, bir-birine qarsy qoiady. Dál osyndai sóz tartystarynyń aqiqatyna jetý qiyn, jetkenniń ózinde el ishine iritki salatyn mundai daý-damaidyń esh qajeti joq. Ár dáýirdiń óz ereksheligi bar», - degen Q.Kemeluly ult jylnamasy ultty biriktiretin faktor bolý kerektigin jetkizdi.
Birligimizdi kúsheitý úshin tildiń tuǵyry da biik ári turaqty bolǵany jón. Jiynda kóterilgen osy ózekti másele – quptarlyq jait. Sonymen qatar halyqty tolǵandyryp júrgen máseleler de kóterildi. Tek tildi úirený májbúrlikten emes mahabbattan bolsa, júrekpen oryndalsa erteńimiz búgingiden de jarqyn bolary aqiqat.
Memleket basshysy sondai-aq tól tarihymyzdyń aýqymy keń ekenin, sol úshin mádeni muramyzdy saqtap, ony dáripteýimiz qajet dep sanaityndyǵyn atai ketti. Bul sonaý bai tarihymyzdy urpaq sanasyna sińire bilý kerek degen sóz. Sonyń ishinde adaldyq pen ádildikti bárinen biik qoia bilý qajet. «Árbir adam «Adal azamat» degen atqa laiyq bolsa, elimizde ádil qoǵam ornaidy. «Adal adam – Adal eńbek – Adal tabys» – bir-birinen ajyramaityn uǵymdar. Osy úsh taǵandy ozyq ári tabysty elge ainalýdyń basty kilti deýge bolady», - degen el Prezidentiniń sózine tolyqtai qosylamyn.
Dinzýhra TILENDIEVA,
N.Tilendiev atyndaǵy akademiialyq folklorly-etnografiialyq
«Otyrar sazy» orkestriniń kórkemdik jetekshisi jáne bas dirijeri,
Qazaqstannyń eńbek sińirgen qairatkeri
