Esterińizge salsaq, Túrkiiadaǵy Bekbolat Tileýhan jýrnalist Nartai Aralbaiulyna bergen suhbatynda quqyq qorǵaýshy Turarbek Qusaiynulyn ashyq túrde "kápir" degen edi.
Mysaly Almaty Ortalyq meshitiniń Bas imamy Tóle bi Ospan qajynyń aitýynsha bizdiń zamanymyzdaǵy harijitter (lańkesshiler) – tákfir jáne hijrat aǵymdary. Bul aǵymdarǵa Qazaqstanda tyiym salynǵan.
"Bulardyń aty aityp turǵandai, negizgi ustanymdary – olarmen bir bolmaǵandardy kápirge shyǵarý. Atap aitqanda, olardyń túsiniginshe – árbir úlken kúná jasaǵan adam – kápir.
Quranǵa emes, Ata Zańdy basshylyqqa alý – kúpirlik. Mundai bilikke qarsylyq bildirmegen halyq ta – kápir", – deidi imam.
Imamnyń aitýynsha din ǵalymdaryna kelsek, atalǵan aǵymdardyń paiymdaýynsha úkimetti jáne halyqty imansyz demegeni úshin, olar da kápirge jatady.
"Sonymen birge, tákfir jamaǵatynyń oi-pikirin estip, olardyń qataryna qosylmaǵan jáne atalmysh aǵym jetekshisine boiusynýǵa sert bermegen árbir adam – kápir. Al, osy jamaǵatqa kirip, sońynan shyǵyp ketse – mýrtad. Demek, dinnen shyǵýshy. Tákfir aǵymynyń tujyrymy boiynsha, olardyń qatarynan shyqqan adamdy óltirýge ruqsat.
Mine, mundai senimde shynaiy Islam dininiń jurnaǵy da joq dep tolyqtai aitýǵa bolady, – deidi Tóle bi Ospan.
QMDB imamy bul sózine Qazaqstannan Chehiiaǵa qonys aýdarǵan bir top salafi tákfir jamaǵatyn da dálel qylady.
Ózin synaǵandardy kápir, shaitan, ibiliske teńegen Bekbolat Tileýhannyń ekstremistik baǵyttaǵy dini sózderine bailanysty QR Ishki ister ministrligi qandai quqyqtyq baǵa berer eken?!
...
Buǵan deiin Turarbek Qusaiyn Qasym-Jomart Toqaevqa úndeý jariialap, radikaldarmen kúreske dep bólingen 300 mlrd teńgeniń esebin suraǵan edi.
Onyń aitýynsha, osy ýaqytqa deiin dini ekstremizm jáne terrorizmniń aldyn alý degen jeleýmen 300 mlrd teńge jumsalǵan. Onyń 200 milliardy Kárim Másimovtiń Premer-ministr bolyp turǵan kezinde bólingen. Ol azdai Másimov Ulttyq qaýipsizdik komitetin basqaryp turǵan shaǵynda taǵy 100 milliardtan astam qarjy bólingen.
"Mysaly Túrkiiadaǵy Bekbolat Tileýhan jýrnalist Nartai Aralbaiulyna bergen suhbatynda memleketke opasyzdyq jasaý, bilikti kúshpen basyp alý jáne laýazymdyq mindetterin asyra paidalandy dep aiyp taǵylǵan Kárim Másimovtiń saiasatker retinde erekshe qasietin baǵalap, jer-kókke syiǵyzbai maqtady.
Budan shyǵatyn qorytyndy monarhiialyq salafizmdi ańsaǵan Nazarbaev pen onyń áýleti jáne sol saiasi jobany júzege asyrǵysy kelgen Kárim Másimov, Qairat Satybaldy, Bekbolat Tileýhan, Muhamedjan Tazabek siiaqtylar dini ekstremizmge qarsy baǵyttalǵan 300 milliardtan astam halyqtyń aqshasyn, óz bidaiyn ózine qýyryp, iaǵni ortaǵasyrlyq arabi-parsy ideologiiany qazaqtyń sanasyna tyqpalaý men shyrmaýǵa jumsaǵan ba?! Bul degen kádýilgi qasqyrǵa qoi baqtyrý emes pe?!
Osy faktilerdi alǵa tarta otyryp, quzyrly organdar men memleket basshysynan qamaýdaǵy Kárim Másimovtiń úkimet pen UQK basqarǵan kezindegi ekstremizm-terrorizmge qarsy keshendi kúres baǵdarlamasyna jumsalǵan, iaǵni halyqtyń qyrýar aqshasynyń esebin berýin talap etemin", – degen edi Turarbek Qusaiyn.
Avtor, Jeńisbek Halelov
