Qazaqstannyń tanymal komedıa aktóri, shoýmen, rejıssór, prodúser, búginde din jolynda júrgen Nurtas Adambaı birneshe eldiń prezıdentinen keshirim surady, - dep habarlaıdy Dalanews.kz. 

Eń aldymen Nurtas Adambaı Májilis depýtaty Rınat Zaıtovtan keshirim suraǵan.

"Aqymaqtyǵymnyń kesirinen biraz ýaqyt buryn Rınat Zaıtovty aıyptaǵanym úshin keshirim suraımyn. Elimizdi damytýǵa qosyp jatqan úlesi úshin alǵys aıtamyn", - deıdi Adambaı.

Artynsha Nurtas Adambaı prezıdent Qasym-Jomart Toqaevtan, RF basshysy Vladımır Pýtınnen, Belarýs basshysy Aleksandr Lýkashenkodan jáne eks-prezıdent Nursultan Nazarbaevtan keshirim suraǵan.

Adambaı keshirim surap jazǵan mátin biryńǵaı. Ol bir kezderi áleýmettik jelide prezıdentter týraly ázil aıtqany úshin keshirim surap, olardyń eldiń damýy úshin qosqan úlesterin atap ótken.

Sonymen qatar, ázilkesh reseılik ánshi Andreı Makarevıchten de keshirim suraǵan.

«Andreı Makarevıchten bir kezderi áleýmettik jeli arqyly ar-namysyna tıgenim úshin keshirim suraımyn», - deıdi Adambaı.

Odan bólek, Nurtas Adambaı áleýmettik jeli qoldanýshylarynan da keshirim suraǵan.

Ázilkeshtiń nelikten mundaı qadamǵa barǵany belgisiz.