Bala quqyqtary jónindegi ýákil Dinara Zákieva Halyqaralyq balalardy qorǵaý kúnimen quttyqtady, dep habarlaidy dalanews.kz.
Ol óz quttyqtaýynda árbir balanyń quqyǵy, amandyǵy men qaýipsizdigi memleket qorǵaýynda ekenin atap ótti. Sondai-aq, Memleket basshysy Qasym-Jomart Toqaev balalardy qorǵaý jáne qoldaý máselelerine erekshe kóńil bólip kele jatqanyn aitty.
Dinara Zákievanyń sózinshe, keiingi jyldary balalardyń quqyǵyn qorǵaý júiesin kúsheitýge baǵyttalǵan mańyzdy reformalar júzege asyrylyp, zańdar men baǵdarlamalar qabyldanǵan.
Al 2026 jyldyń basynda qabyldanǵan "Qazaqstan balalary" ulttyq strategiiasy qaýipsizdik, áleýmettik qorǵaý, densaýlyq saqtaý jáne bilim berý salalaryndaǵy negizgi mindetterdi aiqyndaǵan.
Sonymen qatar, ol 2024 jyldan beri júrgizilgen jumystyń nátijesinde elimizdiń barlyq óńirinde ákimdikter janynan Bala quqyǵyn qorǵaý basqarmalary qurylǵanyn jetkizdi. Onyń aitýynsha, bul - balalardyń quqyǵyn qorǵaý salasyndaǵy mańyzdy jetistikterdiń biri.
Dinara Zákieva balalarǵa kómek qajet bolǵan jaǵdaida únsiz qalmai, tiisti organdarǵa habarlasý mańyzdy ekenin de eske saldy.
