Almaty qalasynda Din isteri jónindegi basqarmasynyń tapsyrysy boiynsha «JASTAR» damytý ortalyǵy» jastar qoǵamdyq birlestiginiń uiymdastyrýymen «Birneshe nominatsiialar boiynsha din salasynyń ózekti máseleleri týraly úzdik materialdardy (maqalalar, áleýmettik rolikter jáne t.b.) daiyndaý baiqaýy» boiynsha baspasóz konferentsiiasy ótti.
Konferentsiia barysynda Almaty qalasy Din isteri jónindegi basqarmasynyń ókili Baqdáýlet Halilýllauly baiqaýdy uiymdastyrýdaǵy maqsat-mindetteri, baiqaý sharttary men erejesin tanystyrdy.
Baiqaýdy uiymdastyrýdaǵy maqsat – jurt nazaryn din salasyndaǵy memlekettik saiasattyń ózekti máselelerine aýdarý. Buqaralyq aqparat quraldary men áleýmettik jeliler arqyly halyqty din salasyndaǵy memlekettik saiasattyń mańyzdy baǵyttary men ekstremistik jáne radikaldy dini aǵymdar ideologiiasynyń ziiandylyǵynan habardar etý.
Jýrnalister men BAQ-ty, sondai-aq din salasyndaǵy ózekti máseleler boiynsha materialdar jariialaityn basqa da tulǵalardy qoldaý.
Erejege sáikes baiqaý 10 nominatsiia boiynsha ótkiziledi. Jalpy júlde qory – 3 050 000 teńge.
Baiqaýdy uiymdastyrýdaǵy maqsat – jurt nazaryn din salasyndaǵy memlekettik saiasattyń ózekti máselelerine aýdarý. Buqaralyq aqparat quraldary men áleýmettik jeliler arqyly halyqty din salasyndaǵy memlekettik saiasattyń mańyzdy baǵyttary men ekstremistik jáne radikaldy dini aǵymdar ideologiiasynyń ziiandylyǵynan habardar etý. Jýrnalister men BAQ-ty, sondai-aq din salasyndaǵy ózekti máseleler boiynsha materialdar jariialaityn basqa da tulǵalardy qoldaý.
Baiqaý kelesi nominatsiialar boiynsha ótkiziledi:
1. Internet-resýrstaǵy qazaq tilindegi úzdik maqala;
2. Internet-resýrstaǵy orys tilindegi úzdik maqala;
3. «Instagram» áleýmettik jelisindegi úzdik beinerolik;
4. «Tiktok» áleýmettik jelisindegi úzdik beinerolik;
5. úzdik áleýmettik beinerolik;
6. Digital Art sheńberindegi úzdik fotojoba;
7. Úzdik óleń;
8. Úzdik úndeý jáne uran;
9. Úzdik pikir;
10. Áleýmettik jelilerdegi úzdik taqyryptyq post.
Baiqaýǵa 16 jastan joǵary Almaty qalasynyń barlyq turǵyndary qatysa alady.
Baiqaýǵa qatysý úshin qatysýshylar óz jumystaryn jáne ózderi týraly aqparatty almaty.baiqau.2024@mail.ru elektrondy mekenjaiǵa osy jyldyń 1 qazanyna deiin joldai alady. Baiqaý týraly tolyq aqparat pen ár nominatsiia boiynsha talaptardy Almaty qalasy Din isteri jónindegi basqarmasynyń resmi saity men @din_almaty resmi akkaýntynda jariialanǵan erejeden kóre alady.
