Kún tártibindegi kóptegen semınarlar men kezdesýler, óńirdegi sharalar kesheni dástúrli emes dinı aǵymdardyń taralýyna qarsy is-qımyl júrgizýge baǵyttalǵan. Ásirese, dástúrli emes dinı aǵymdardyń jaqtaýshylaryna erekshe nazar aýdarylyp, jeke túsindirý jumystary qolǵa alyndy. Sarapshylar Qostanaı, Lısakovsk qalalaryndaǵy meshitterde osy sanattaǵy azamattarmen jeke áńgimelesti. Protestanttyq dinı birlestikterdiń ǵıbadat nysandarynda da din salasyndaǵy zańnamany túsindirý jumystary ótkizildi.
«Rýhanı-adamgershilik negizderin ashý arqyly shıelenisterdiń aldyn alýǵa, qoǵamda ornyǵýǵa, ekstremızm men terorızm syndy dinı qaýip-qaterlerge qarsy turýǵa múmkindik týady, - dedi jıynda sóz alǵan delegasıa múshesi, L.Gýmılev atyndaǵy Eýrazıa ulttyq ýnıversıteti fılosofıa kafedrasynyń aǵa oqytýshysy, dintanýshy Tolǵanaı Mustafına oıyn jalǵastyryp.
- Búgingi tańda dinniń róli saıası arenada kún sanap artýda. Bul, óz kezeginde, dindi saıası maqsatta paıdalaný múmkindiginiń artqandyǵyn bildiredi. Sonymen qatar, dinniń róli mádenıet pen qoǵamdyq qatynastarda da óskendigin aıta ketý kerek. Biraq, saraptap qaraıtyn bolsaq, ózgerister kezinde dinniń ózi emes, onyń burmalanǵan beınesi kórinis beredi. Ásirese, saıası astarda, din eń óreskel túrde paıdalanylady. Dinı negizdegi belsendi partıalarda ekstremızm elementteri jıi baıqalady».
Jalpy alǵanda, halyqtyń dinı saýattylyǵyn arttyrýdy maqsat etken is-sharalarǵa Qostanaı qalasy men oblys aýdandarynyń turǵyndary, óńirdegi qoǵamdyq keńestiń músheleri, memlekettik jáne quqyq qorǵaý organdary, din, BAQ, eńbek ujymdary, oqytýshylar, muǵalimder, stýdentter jáne de oqý oryndarynyń qyzmetkerleri qatysty.
Delegasıa quramyna atalǵan saladaǵy jetekshi sarapshylar kirdi. Olardyń qatarynda: Din ister komıteti dinı qyzmet salasyndaǵy quqyq qoldaný tájirıbesi basqarmasynyń jetekshisi Imanbaev Meıram, «Bilim» qoǵamdyq birlestiginiń dırektory Irjanov Rýslan, L.Gýmılev atyndaǵy Eýrazıa ulttyq ýnıversıteti fılosofıa kafedrasynyń aǵa oqytýshysy, dintanýshy Mustafına Tolǵanaı, Astana qalasy «Áljan ana» meshitiniń naıb ımamy Janaqov Berikbol, din máseleleri jónindegi ǵylymı-zertteý jáne taldaý ortalyǵynyń ǵylymı qyzmetkeri Gaıko Olga boldy.
