Dimash Qudaibergenniń ákesi, belgili prodiýser, kompozitor ári mýzykant Qanat Aitbaev "Parasat" ordenimen marapattaldy, dep habarlaidy dalanews.kz.
Mádeniet jáne óner qyzmetkerleri kúnine orai ótken saltanatty sharada "DimashAli" shyǵarmashylyq ortalyǵynyń jetekshisine joǵary memlekettik nagrada tabys etildi. Marapatty Memleket basshysynyń atynan QR Premer-ministriniń orynbasary – Mádeniet jáne aqparat ministri Aida Balaeva tapsyrdy.
Rásim barysynda ministr Qanat Aitbaevtyń qazaq mádenieti men óneriniń damýyna qosqan úlesin erekshe atap ótti. Sondai-aq onyń otandyq mýzyka ónerin álemdik deńgeide tanytýǵa, qazaqstandyq shyǵarmashylyq mekteptiń bedelin arttyrýǵa sińirgen eńbegine toqtaldy.
Qanat Aitbaev kópshilikke Dimash Qudaibergenniń ákesi ári prodiýseri retinde ǵana emes, qazaq mýzykasyna uzaq jyl eńbek sińirgen óner adamy retinde de jaqsy tanys. Ol shyǵarmashylyq ortalyq arqyly jas talanttardy qoldap, ulttyq ónerdiń halyqaralyq arenada nasihattalýyna úles qosyp keledi.
Aita keteiik, "Parasat" ordeni ǵylym, mádeniet, ádebiet jáne óner salalarynyń damýyna airyqsha eńbek sińirgen azamattarǵa beriledi. Sonymen qatar bul marapat eldiń rýhani jáne ziiatkerlik áleýetin nyǵaitýǵa úles qosqan tulǵalarǵa tabystalady.
