Jyl sońyna deiin Arbuz.kz-te dybystyq komanda arqyly tapsyrys berý múmkindigi iske qosylady, dep habarlaidy Dalanews.kz.
Freedom Lifestyle júiesine Arbuz.kz, Freedom Ticketon jáne Freedom Travel siiaqty qyzmetter kiredi. 01.11.2025 jylǵy derek boiynsha Freedom Lifestyle klientteriniń sany 2,8 millionǵa jetti. Al osy qyzmetterde tólemdi Freedom kartasy arqyly jasaý 70-80%-ǵa kóbeigen.
Arbuz.kz platformasynda 2025 jyldyń qańtar-qazan ailarynda tapsyrys sany 1 millionnan asqan. Osy ýaqyt aralyǵynda Freedom Ticketon-da 4 millionnan asa bilet satylypty. Al Freedom Travel arqyly qańtar-qazan kezeńinde 3 millionnan astam bilet satylǵan. Sońǵy kezdegi eń jarqyn oqiǵalarǵa satylǵan bilettiń qomaqty úlesi Ticketon-ǵa tiesili. JLo kontserti, “Real” men “Qairat” oiyny siiaqty is-sharalar aiqyn mysal.
“Biz keibir is-sharalarda shyǵynǵa ushyradyq. Alaida ekojúie retinde ondaiǵa jol bere alamyz. Biz úshin eń mańyzdysy - qoldanýshylar sanyn arttyrý, naryqtan óz ornymyzdy alý”, - deidi Freedom Lifestyle atqarýshy direktory Erlan Esimseiitov.
2025 jyldyń qazan aiyndaǵy málimet boiynsha Freedom Lifestyle qarjy ainalymy 250 mlrd teńgege jetti. Aldaǵy ýaqytta ekojúie jasandy intellekt, robotty tehnologiia, dronmen tasymaldaý siiaqty ozyq qyzmetterdi usynatynyn málimdedi.
