Qazaqstannyń Tuńǵysh Prezidentiniń otbasy sheńberine jaqyn derekkózdiń habarlaýynsha, dárigerler elimizdiń tuńǵysh prezidentiniń zaiyby Sara Alpysqyzyna kómektese almai otyr. Ómiriniń sońyna taiaǵanda ol Nazarbaeva degen tegin tastap, qyz kezindegi tegi – Qonaqaevany qaita alǵan, dep habarlaidy Dalanews.kz Ulysmedia.kz-ke siltep.
Sara Alpysqyzy Nazarbaeva (qazirgi tegi – Qonaqaeva) — Qazaqstannyń Tuńǵysh Prezidenti Nursultan Nazarbaevtyń burynǵy jubaiy, qoǵam qairatkeri. Ol 1941 jyldyń aqpanynda Qaraǵandy oblysynda dúniege kelgen. Joǵary bilim alyp, injener-metallýrg mamandyǵy boiynsha eńbek etken. 1962 jyly Nursultan Nazarbaevpen otaý qurǵan. Erli-zaiyptylardyń úsh qyzy bar: Dariǵa, Dinara jáne Áliia. Sara Alpysqyzy qoǵamdyq ómirge sirek aralasyp, saiasi sahnadan tys qaldy. Ol kópshilik aldynda jii kórinbegenimen, áleýmettik jobalar men balalardyń quqyǵyn qorǵaýǵa baǵyttalǵan qaiyrymdylyq isterimen tanymal boldy.
1992 jyly ol «Bóbek» halyqaralyq balalar qaiyrymdylyq qoryn qurdy. Bul qordyń maqsaty – jetim, múgedek jáne áleýmettik turǵyda osal toptaǵy balalarǵa jan-jaqty kómek kórsetý. Sonymen qatar, onyń bastamasymen elimizdegi mektepterde "Ózin-ózi taný" páni engizilip, balalarǵa rýhani-adamgershilik tárbie berý qolǵa alyndy. Keiin bul pán oqý baǵdarlamasynan alynyp tastaldy. Sara Alpysqyzynyń bastamasymen Qazaqstanda "SOS – balalar aýyldary" halyqaralyq jobasy da iske asty.
Sońǵy jyldary ol burynǵy tegin ózgertip, qyz kezindegi tegi Qonaqaevany qaita alǵany belgili boldy.
