Depýtattary Túlkibas aýdanyn Túrkibasy dep ataýdy qoldady
Talai tulǵalar túlep ushqan kieli meken Túlkibas aýdanynyń ataýyn «Túrkibasy» dep ózgertý týraly usynys der kezinde kóterilip otyr. Elbasymyzdyń «Bolashaqqa baǵdar: rýhani jańǵyrý» baǵdarlamasy aiasynda óńirimizdegi jer, sý attary tarihi ataýlaryna qaita qol jetkizip keledi. Osy baǵyttaǵy jumystar aldaǵy ýaqytta da jalǵasyn tabatyn bolady. Búgin bul týraly oblystyq máslihattyń kezekti HI sessiiasynda Ońtústik Qazaqstan oblysynyń ákimi Janseiit Túimebaev málim etti.
Sessiianyń jumysyn oblystyq máslihat sessiiasynyń tóraǵasy Dýlat Ábish júrgizip otyrdy. Sessiia jumysyna oblys ákimi, qala jáne aýdan ákimderi, aýdandyq, oblystyq aýmaqtyq departamentter men basqarmalardyń, uiymdardyń basshylary men BAQ ókilderi qatysty.
Oblystyq máslihat sessiiasynyń kún tártibinde negizgi 21 másele qaraldy. Atap aitqanda oblystyq jer inspektsiiasy basqarmasy basshysynyń jerdiń paidalanylýy men qorǵalýyn baqylaý jónindegi esebi, oblystyq máslihat qyzmetin uiymdastyrý, depýtattardyń saýaldary men sailaýshylardyń ótinishteri boiynsha atqarylǵan jumystar jáne oblystyq máslihat apparatynyń qyzmeti jónindegi esebi talqyǵa tústi. Sondai-aq, oblys ákimdiginiń jergilikti memlekettik-jekeshelik áriptestik jobalarynyń iske asyrylý barysy týraly oblystyq ekonomika jáne biýdjetti josparlaý basqarmasynyń basshysy Arman Sabitov baiandama jasady. Basqarma basshysy depýtattardan 21 jergilikti memlekettik-jekeshelik áriptestik jobalarynyń tizbesin bekitýdi surady. Onyń ishinde 3 qurylys, 2 avtomobil joldary, 1 elektrmen qamtamasyz etý nysandary bar. Búginde atalǵan jobalardyń qujattamalary tolyq ázirlenip, tiisti saraptamadan ótken.
Sessiia barysynda azamattardyń jekelegen sanattaryna ambýlatoriialyq emdeý kezinde tegin dárilik zattardy qosymsha berý, respýblikalyq onomastika komissiiasynyń qaraýyna Ońtústik Qazaqstan oblysyndaǵy Túlkibas aýdanynyń ataýyn qaita ataý jónindegi usynysy engizildi.
«Sońǵy jyldary bul másele birneshe ret kóterildi. Keńes zamanynda aýdannyń tarihi aty burmalanǵany tarihshy ǵalymdarǵa da belgili. Sondyqtan Túlkibasy ataýyn Túrkibasy dep ózgertý týraly usynysty biraýyzdan qoldaimyn. Atalǵan másele oblystyq ákimdik pen oblystyq máslihat tiisti sheshim shyǵaryp, oblystyq onomastikalyq komissiiada qaraldy. Sońǵy sheshimdi respýblikalyq onomastikalyq komissiia qabyldaityn bolady», - dedi Janseiit Túimebaev.
OQO ákiminiń baspasóz qyzmeti
