Depýtat Magerram Magerramov Qazaqstanda jynys aýystyrýǵa tyiym salýdy usyndy, dep habarlaidy Dalanews.kz.
Depýtat Magerramov prezident ulttyq qundylyqtardy qorǵaý qajettigin erekshe atap ótkenin aitty.
- 2024 jylǵy 18 naýryzda ótken Ulttyq quryltaida Qasym-Jomart Toqaev dástúrli otbasylyq qundylyqtardy berik jáne dáiekti túrde qalyptastyrý qajettigin erekshe atap ótti. Bul másele boiynsha prezident ótken jyly sáýir aiynda ótken Qazaqstan halqy Assambleiasynyń 33-sessiiasynda da óz ustanymyn bildirgen bolatyn. Onyń aitýynsha, azamattardyń durys qundylyqtaryn, kózqarastaryn jáne senimderin qalyptastyrý mańyzdy. Elimizdiń bai tarihyn, ata-babalarymyz saqtap qalǵan mádeni jáne dástúrli qundylyqtardy eskere otyryp, jynystyq sáikestilik buzylystary bar adamdar úshin jynysyn aýystyrýdyń qolailylyǵy týraly suraq týyndaidy, deidi depýtat.
Ol QR «Halyq densaýlyǵy jáne densaýlyq saqtaý júiesi týraly» kodeksine sáikes, 21 jasqa tolǵan, psihikalyq jáne minez-qulyqtyq buzylystary joq adamdarǵa jynysyn aýystyrýǵa ruqsat etiletinin eke saldy.
- Alaida, «jynystyq sáikestilik buzylystary bar adam» uǵymynyń ózi belgili bir aýytqýshylyqtyń bar ekenin bildiredi. Bul tulǵalarda fizikalyq aýytqýlardyń bolmaýyn eskere otyryp, olardyń psihikalyq nemese minez-qulyqtyq erekshelikteri bar degen qorytyndy jasaýǵa bolady. Demek, psihikalyq jáne minez-qulyqtyq aspektidegi aýytqýshylyǵy bar adamnyń saý denesine gormondyq jáne hirýrgiialyq aralasýdy aqtaý múmkin emes. Mundai meditsinalyq aralasýdyń ruqsat etilýi bizdiń mádenietimizge jat ideialarmen basqarylatyn jekelegen tulǵalardyń shekaralaryn keńeitedi, deidi Magerramov.
Partiia zańnamaǵa ózgerister engizilgenge deiin jynysty aýystyrýǵa tyiym salýdy talap etti.
