Aýyl sharýashylyǵy vitse-ministri Ábilqaiyr Tamabek qyzmetinen ketti, - dep habarlaidy Dalanews.kz.
Bul týraly Úkimettiń baspasóz qyzmeti málimdedi. Aqparatta Ábilhaiyr Tamabek basqa jumysqa aýysýyna bailanysty aýyl sharýashylyǵy vitse-ministri qyzmetinen bosatylǵany aitylady. Ol bul qyzmetine 2 jyl buryn kelgen edi.
Vitse-ministrdiń esimi byltyr qyrkúiekte buqaralyq aqparat quraldary betinde tarady. Óitkeni sheneýnik Májilistiń Agrarlyq máseleler jónindegi komitetiniń keńeitilgen otyrysynda Respublica partiiasynyń jetekshisi Aidarbek Qojanazarovpen janjaldasyp qaldy.
Májilistegi otyrysta daý depýtattyń fermerler qiyn jaǵdaida ekenin aitqan málimdemesinen keiin týyndaǵan. Depýtat fermerlerdiń kóktemde egin egetin eshteńesi joq ekenin málimdegen. Buǵan jaýap retinde vitse-ministr "Azyq-túlik korporatsiiasynyń" tuqym retinde paidalanýǵa bolatyn bir tonnalyq astyq qory bar ekenine sendirgen.
Al áleýmettik jelidegi aqparatqa súiensek, jumystan bosap qalǵan Ábilqaiyr Tamabek burynǵy bastyǵyn izdep, Jambyl oblysyna ákimniń orynbasary bolyp barady. Iaǵni qaitadan burynǵy aýyl sharýashylyǵy ministri Qarashókeevtiń qol astyna ketedi degen aqparat bar.
