اۋىل شارۋاشىلىعى ۆيتسە-مينيسترٸ ەبٸلقايىر تامابەك قىزمەتٸنەن كەتتٸ, - دەپ حابارلايدى Dalanews.kz.
بۇل تۋرالى ٷكٸمەتتٸڭ باسپاسٶز قىزمەتٸ مەلٸمدەدٸ. اقپاراتتا ەبٸلحايىر تامابەك باسقا جۇمىسقا اۋىسۋىنا بايلانىستى اۋىل شارۋاشىلىعى ۆيتسە-مينيسترٸ قىزمەتٸنەن بوساتىلعانى ايتىلادى. ول بۇل قىزمەتٸنە 2 جىل بۇرىن كەلگەن ەدٸ.
ۆيتسە-مينيستردٸڭ ەسٸمٸ بىلتىر قىركٷيەكتە بۇقارالىق اقپارات قۇرالدارى بەتٸندە تارادى. ٶيتكەنٸ شەنەۋنٸك مەجٸلٸستٸڭ اگرارلىق مەسەلەلەر جٶنٸندەگٸ كوميتەتٸنٸڭ كەڭەيتٸلگەن وتىرىسىندا Respublica پارتيياسىنىڭ جەتەكشٸسٸ ايداربەك قوجانازاروۆپەن جانجالداسىپ قالدى.
مەجٸلٸستەگٸ وتىرىستا داۋ دەپۋتاتتىڭ فەرمەرلەر قيىن جاعدايدا ەكەنٸن ايتقان مەلٸمدەمەسٸنەن كەيٸن تۋىنداعان. دەپۋتات فەرمەرلەردٸڭ كٶكتەمدە ەگٸن ەگەتٸن ەشتەڭەسٸ جوق ەكەنٸن مەلٸمدەگەن. بۇعان جاۋاپ رەتٸندە ۆيتسە-مينيستر "ازىق-تٷلٸك كورپوراتسيياسىنىڭ" تۇقىم رەتٸندە پايدالانۋعا بولاتىن بٸر توننالىق استىق قورى بار ەكەنٸنە سەندٸرگەن.
ال ەلەۋمەتتٸك جەلٸدەگٸ اقپاراتقا سٷيەنسەك, جۇمىستان بوساپ قالعان ەبٸلقايىر تامابەك بۇرىنعى باستىعىن ٸزدەپ, جامبىل وبلىسىنا ەكٸمنٸڭ ورىنباسارى بولىپ بارادى. ياعني قايتادان بۇرىنعى اۋىل شارۋاشىلىعى مينيسترٸ قاراشٶكەەۆتٸڭ قول استىنا كەتەدٸ دەگەن اقپارات بار.
