«Oǵan (Beketaevqa) qatysty kelesidei faktiler bar: 2010 jyly Moldaviia sol tustaǵy prezidenti Vladimir Voronin Nazarbaevqa habarlasyp: "Sizderde Stati degen biznesmen jumys isteidi eken, ózi "Sorospen" sybailas, sondyqtan ony elden qýyp jiberýińizdi suraimyn" dep qolqa salady. Eks-prezident álgi ótinishti jerde qaldyrmai, Statidi Qazaqstannan qýyp shyǵyp, bútkil mal-múlkin kúieýbalasy Qulybaevqa berdi degen aqparat bar. Biraq bul aqparat áli sotpen rastalmady...», – dedi májilismen.
Buǵan kóngisi kelmegen Stati Qazaqstandy sotqa bergeni, onymen teketiresý úshin Marat Beketaevtyń firma qurǵany, oǵan qazynadan júzdegen million dollar jumsalǵany belgili.
"Stati jeńe beredi, Qazaqstan jeńile túsedi. Biraq Qazaqstan jeńilgen saiyn biýdjetten aqsha kóbeie beredi. Ol lobbilik toptardy, advokattardy jaldaidy. Sheteldegi advokattar Qazaqstannyń isi durys emes ekenin kórgennen keiin aqshany kóp suraidy, ózderi de jymqyrǵan bolýy yqtimal. Biýdjettiń kóptegen million dollary 1 adamnyń voliýntarizmdik sheshimin qorǵaý úshin shetelge kete beredi. Árine ádiletsizdik bolǵannan keiin Qazaqstannyń jaǵdaiy múshkil boldy. Osyny paidalanyp, Beketaev tárizdi azamattar ózderi de biýdjettiń aqshasyna qol suǵyp jiberýi yqtimal", – deidi Saiyrov.
Aita ketelik, eks-Ádilet ministri Marat Beketaev Qazaqstannan qashpaq bolǵanda qolǵa túsken. Bas prokýrordyń orynbasary Áset Shyndalievtiń málimdeýinshe, Beketaev áýejaida ustalǵan.
Ol «Memleket basshysynyń zańsyz shyǵarylǵan aktivterdi izdeý jáne qaitarý jónindegi tapsyrmasyn oryndaý sheńberinde laýazymdyq ókilettikterin asyra paidalandy» dep kúdiktelip otyrǵany málimdeldi.
DALA INSIDE telegram arnasyna belgili bolǵandai Jańa Qazaqstan "Úsh B" operatsiiasyn júzege asyrýda. Beketaevtan keiin Baýyrjan Baibektiń kezegi kelip tur.
"Kesheden bastap Marat Beketaev sóilei bastady", - deidi, DALA INSIDE derekkózi.
Tergeýshilerge "Bolachak Consulting" epizody boiynsha Baýyrjan Báibektiń ústinen qylmystyq is qozǵaýǵa múmkindik ashylady. Odan keiin Nazarbaevtyń klastasynyń balasyn Germaniiada quryqtap, ekstraditsiialaý boiynsha sharalar jasalmaq. Báibektiń sottalýy "Úsh B" operatsiiasyna núkte qoiady.
Bul jaily tolyǵyraq: https://t.me/dalainside/1540
