Depýtat Erlan Saırov eski Qazaqstan ókilderiniń reıderlik áreketteri týraly aıtty, - dep habarlaıd Dalanews.kz.
Saırov zardap shekken kásipkerlerdiń aqparaty boıynsha 2000 jyldardan beri Eski Qazaqstannyń adamdary ulttyq býrjýazıanyń tabysty bıznesin reıderlik kúshpen tartyp alýdy júıeli jolǵa qoıǵanyn aıtady.
"Bılik basyndaǵy adamdar ózderine qatysty jaza qoldanylmaıtynyn paıdalanyp, barlyq quqyqtyq jáne moraldyq normalardy attap bireýdiń adal kásibin astam ozbyrlyqpen tartyp alyp otyrǵan. Mundaı qara júıeni – Rahat Álıevpen onyń jaqtastary qalyptastyrǵan. Qazirgi ýaqytta osyndaı kásipkerler men olardyń týystary buqaralyq aqparat quraldary men aqparattyq resýrstar arqyly ózderinen tartyp alynǵan bıznes pen múlikti ózderine qaıtarýdy talap etýde", - deıdi depýtat.
Osyndaı jaǵdaılardyń kópshiligi qoǵamǵa belgili:
Birinshi, Nurlan Bımýrzın men Meǵdat Kalıev bastaǵan bir top kásipker quny 170 mln. dollar turatyn iri bıznesin Eski Qazaqstannyń ókilderi qalaı tartyp alǵanyn aıtty.
Onyń ishinde, 7 munaı bazasy men 96 janar-jaǵarmaı stansıasynan turatyn munaı bıznesin 2003 jyly-aq tartyp alǵan. Aqparat quraldaryna sensek, Jarqyn Kýrentaev, Sholpan Kareneeva, Asqar Ýteshev basqa da azamattar joǵaryda atalǵan adamnyń ashkózdiginiń qurbany bolǵan.
Sonymen birge, dál sol top Qonaev qalasyndaǵy «STS» sıaqty birneshe demalys oryndary men Túrkistan oblysyndaǵy «Altyn-Bulaq» sanatorııin aıaýsyz tartyp alǵan.
Reıderlik basyp alý arqyly Qaırat Satybaldy men onyń áıeline tıesili top Almaty qalasyndaǵy «Hılton» otelin ózderine zańsyz ıemdenip aldy.
Sondaı-aq, Germanıa azamaty – Robert Shýmaherden iri qurylys kompanıasy «QazGerStroı» JSHS-ty «qara» reıderlik elementterimen, qaýipsizdik kúshterimen basyp aldy.
Búginde atalǵan kompanıa bankrot, naqty áreketterge qaramastan, Robert Shýmaher quryǵandaqalǵan múlikti de qaıtaryp ala almaı otyr.
Shýmaherdiń basyna túsken qıyndyq munymen aıaqtalmaıdy. Aqmola oblysynyń Qorǵaljyn aýdanyndaǵy aýyl sharýashylyǵy kásiporny «Aq qulyn» JSHS-qa shamamen 7 mln eýro ınvestısıalandy, 3000 iri qara mal bazasy salyndy, tehnıka satyp alyndy.
"Demokratıa men naryqtyń basty prınsıpi jeke menshikti qorǵaý prınsıpi! Eshkim adamdardyń tapqan-taıanǵanyna qol suǵýyna haqy joq! Sondyqtan Bas Prokýratýra atalǵan azamattardyń ekonomıkalyq múddeleriniń saqatýyna naqty qadamdar jasap, olardyń múlkin qaıtarý jóninde jumys jasaýy tıis!", - deıdi depýtat.
