دەپۋتات ەرلان سايروۆ ەسكى قازاقستان وكىلدەرىنىڭ رەيدەرلىك ارەكەتتەرى تۋرالى ايتتى، - دەپ حابارلايد Dalanews.kz.
سايروۆ زارداپ شەككەن كاسىپكەرلەردىڭ اقپاراتى بويىنشا 2000 جىلداردان بەرى ەسكى قازاقستاننىڭ ادامدارى ۇلتتىق بۋرجۋازيانىڭ تابىستى بيزنەسىن رەيدەرلىك كۇشپەن تارتىپ الۋدى جۇيەلى جولعا قويعانىن ايتادى.
"بيلىك باسىنداعى ادامدار وزدەرىنە قاتىستى جازا قولدانىلمايتىنىن پايدالانىپ، بارلىق قۇقىقتىق جانە مورالدىق نورمالاردى اتتاپ بىرەۋدىڭ ادال كاسىبىن استام وزبىرلىقپەن تارتىپ الىپ وتىرعان. مۇنداي قارا جۇيەنى – راحات الييەۆپەن ونىڭ جاقتاستارى قالىپتاستىرعان. قازىرگى ۋاقىتتا وسىنداي كاسىپكەرلەر مەن ولاردىڭ تۋىستارى بۇقارالىق اقپارات قۇرالدارى مەن اقپاراتتىق رەسۋرستار ارقىلى وزدەرىنەن تارتىپ الىنعان بيزنەس پەن مۇلىكتى وزدەرىنە قايتارۋدى تالاپ ەتۋدە"، - دەيدى دەپۋتات.
وسىنداي جاعدايلاردىڭ كوپشىلىگى قوعامعا بەلگىلى:
ءبىرىنشى، نۇرلان بيمۋرزين مەن مەعدات كالييەۆ باستاعان ءبىر توپ كاسىپكەر قۇنى 170 ملن. دوللار تۇراتىن ءىرى بيزنەسىن ەسكى قازاقستاننىڭ وكىلدەرى قالاي تارتىپ العانىن ايتتى.
ونىڭ ىشىندە، 7 مۇناي بازاسى مەن 96 جانار-جاعارماي ستانسياسىنان تۇراتىن مۇناي بيزنەسىن 2003 جىلى-اق تارتىپ العان. اقپارات قۇرالدارىنا سەنسەك، جارقىن كۋرەنتايەۆ، شولپان كارەنەيەۆا، اسقار ۋتەشيەۆ باسقا دا ازاماتتار جوعارىدا اتالعان ادامنىڭ اشكوزدىگىنىڭ قۇربانى بولعان.
سونىمەن بىرگە، ءدال سول توپ قونايەۆ قالاسىنداعى «ستس» سياقتى بىرنەشە دەمالىس ورىندارى مەن تۇركىستان وبلىسىنداعى «التىن-بۇلاق» ءساناتورييىن اياۋسىز تارتىپ العان.
رەيدەرلىك باسىپ الۋ ارقىلى قايرات ساتىبالدى مەن ونىڭ ايەلىنە تيەسىلى توپ الماتى قالاسىنداعى «حيلتون» وتەلىن وزدەرىنە زاڭسىز يەمدەنىپ الدى.
سونداي-اق، گەرمانيا ازاماتى – روبەرت شۋماحەردەن ءىرى قۇرىلىس كومپانياسى «قازگەرستروي» جشس-تى «قارا» رەيدەرلىك ەلەمەنتتەرىمەن، قاۋىپسىزدىك كۇشتەرىمەن باسىپ الدى.
بۇگىندە اتالعان كومپانيا بانكروت، ناقتى ارەكەتتەرگە قاراماستان، روبەرت شۋماحەر قۇرىعانداقالعان مۇلىكتى دە قايتارىپ الا الماي وتىر.
شۋماحەردىڭ باسىنا تۇسكەن قيىندىق مۇنىمەن اياقتالمايدى. اقمولا وبلىسىنىڭ قورعالجىن اۋدانىنداعى اۋىل شارۋاشىلىعى كاسىپورنى «اق قۇلىن» جشس-قا شامامەن 7 ملن ەۋرو ينۆەستيسيالاندى، 3000 ءىرى قارا مال بازاسى سالىندى، تەحنيكا ساتىپ الىندى.
"دەموكراتيا مەن نارىقتىڭ باستى ءپرينسيپى جەكە مەنشىكتى قورعاۋ ءپرينسيپى! ەشكىم ادامداردىڭ تاپقان-تايانعانىنا قول سۇعۋىنا حاقى جوق! سوندىقتان باس پروكۋراتۋرا اتالعان ازاماتتاردىڭ ەكونوميكالىق مۇددەلەرىنىڭ ساقاتۋىنا ناقتى قادامدار جاساپ، ولاردىڭ مۇلكىن قايتارۋ جونىندە جۇمىس جاساۋى ءتيىس!"، - دەيدى دەپۋتات.
