"Atamekenniń" burynǵy qyzmetkeri, qazirgi Májilis depýtaty Aitýar Qoshmambetov tórt birdei qyzmetkeri jumystan ketken kásikerlerler palatasyn synap tastady, dep habaralaidy Dalanews.kz
Respublica partiiasynan saiasi uiymnyń partiialyq tizimimen Parlament Májilisiniń depýtattyǵyna sailanǵan Aitýar Qoshmambetov “Atameken” ulttyq kásipkerler palatasyn synǵa aldy. Qoshmambetovtiń ótken mansap jolyna qarasań, bul qurylymǵa birshama jyldaryn arnaǵan. Reseide týyp, Qazaqstanda bilim alǵan Aitýar Qoshmambetov eńbek jolyn prokýratýrada kishi qyzmetkerlikten bastaǵan. Zańdylyqtardy qadaǵalaý organynda kóp aialdamai, birden kásipkerler palatasyna jumysqa aýysady. Túrli avtobiografiialyq platformada onyń “Atameken” kásipkerler palatasynda on jyl jumys istegeni, sonyń ishinde Almaty qalasynda filialda jetekshi bolǵany kórsetilgen. Depýtat osy “onjyldyqty” ómiri men mansaby týraly aitqanda kezdesýlerde de jáne óz ortasynda maqtanyshpen eske alady. Ol 2023 jyly Respublica partiiasynyń Almaty qalalyq filialyna jetekshi bolyp aýysty ári Parlamenttiń tómengi palatasyna úmitkerlerdiń partiialyq tizimge endi. Saiasi karerada tasy órge domalaǵan Qoshmambetov 2024 jyly 14 aqpanda Májilis depýtaty Dinara Shúkijanovanyń ornyn aýystyrdy.
Keshe “Atameken” kásipkerlik palatasynda kadrlyq ózgerister boldy. Palata tóraǵasy Raiymbek Batalov óziniń 4 birdei orynbasary qyzmetten ketkenin habarlady. Munda "Atameken" Ulttyq kásipkerler palatasy Basqarma músheleri – basqarma tóraǵasynyń orynbasarlary jaily sóz bolyp otyr.
"Erbol Eseneev, Murat Amrin, Timýr Nahipbekov jáne Erbol Ústemirov 2025 jylǵy 28 tamyzda Eńbek kodeksiniń 50-babyna sáikes óz ókilettikterin merziminen buryn toqtatý týraly ótinish bergen",- delingen habarlamada.
Aitýar Qoshmambetov bul oqiǵadan keiin áleýmettik jelilerde post jazyp, Atamekendegi daǵdarys, palalatadaǵy transformatsiia nege toqtap qaldy dep shúilikti. Ózi on jyldan astam basshylyq qyzmette bolǵan jáne kásipkerlik uiymynyń irgetasynyń “bekip”, damýyna úles qosqan Qoshmambetovke ne unamai qaldy? Ol óziniń paraqshasyndaǵy shaǵyn postynda sońǵy jyldary Atamekenniń jumysynan bereke ketkenin jáne Qańtar oqiǵasynan keiin basqarýǵa kelgen jańa adamdardyń qaita jańǵyrtý, tsifrlandyrý jáne ózge de ýádelerdiń oryndalmaǵanyn tilge tiek etedi.
“Atameken” ulttyq kásipkerler palatasynda daǵdarys belgileri aiqyn baiqalyp otyr. Muny biznes salasynda kópten beri sezilip kelgen úrdister de rastaidy. Bir mezette tórt birdei basqarma tóraǵasynyń orynbasary qyzmetten ketýi — basqarýdaǵy júieli problemalardyń tikelei belgisi. Uiymda 10 jyl eńbek etken kásibi maman ári eks-qyzmetker retinde bul jaǵdaidy nazardan tys qaldyra almaimyn. Birneshe jyldyń ishinde ózderi ýáde etken baǵyttardyń eshqaisysy tolyq iske aspady. Tsifrlandyrý da, basqarýshylyq reforma da josparlanǵan deńgeige jetken joq”,- dep jazady Májilis depýtaty.
«Atameken» resmi saitynda áli kúnge deiin «Atameken transformatsiiasy» degen bólim tur. Palata bizneske birneshe mańyzdy baǵytta ózgeris ýáde etken bolatyn: biryńǵai tsifrlyq ekojúie qurý; palatanyń saiasi jáne ekonomikalyq salmaǵyn arttyrý; kelissóz júrgizý qabiletin kúsheitý, normativtik aktilerge yqpal etý; jumys modelin jańartý, demokratiialandyrý, ashyqtyq, ikemdilik. Alaida bulardyń qaisysy júzege asty, degendi qosady Aitýar Qoshmambetov.
Palata tóraǵasy Raiymbek Batalovqa osylai renishin jetkizgen depýtat Palata basshysynyń atyna ashyq hat jazǵanyn da qosa ketedi. Tipti sol hatty jáne onyń jaýabyn da qosa júktegen. Zań shyǵarýshy organda ózin palata tóraǵasynan joǵary qoiatyn jáne bir kisidei ambitsiiasy bar Respublica ókiliniń ashýlanatyn jóni bar. Sebebi oryń ashyq úndeýine Batalovtyń ózi emes onyń orynbasary jaýap beripti. Álbette mundai qurmetsizdik qandai synǵa bolsa da túrtki bolatyny zańdylyq.
Sóz sońynda burynǵy atamekendik maman Palatada kásipkerler úshin shyn janashyr mamandar bar, alaida joǵarǵy basshylyq tarapynan bizneske aýyr tigen tustarda únsizdik kóbeigen, mundai «tátti ýádeler» biznestiń qajetine sai kelmeidi, dep túirep ótedi. Avtor máseleni jabýly kúiinde qaldyrýǵa bolmaitynyn, kerek bolsa Ulttyq ekonomika ministrligine, Aýyl sharýashylyǵy ministrligine jáne óńir ákimdikterine resmi suraýlar joldaitynyn da aitady. Qyzdy-qyzdymen Qoshmambetov jaqyn kúnderi Bas prokýratýraǵa, Joǵary aýditorlyq palataǵa jáne Qarjylyq monitoring agenttigine de shaǵymdanatynyn aityp, Raiymbek Batalovqa “eskertý signalyn” jiberýdi de umytpaidy. Áńgime barlyq tsifrlyq jobalarǵa qatysty prezentatsiialar, biýdjet shyǵyndary, kelisimsharttar, jáne tekserý nátijeleri ashyq túrde jariialanýy tiis, dep túiindeidi.
Árine zańsyzdyqtar nemese júieli jumys joq bolsa, ony kózge shuqyp kórsetip, jariialy túrde synǵa alǵannyń esh ábestigi joq. Palata tóraǵasy Raiymbek Batalov únsiz qalmaidy dep oilaimyz.
Dalanews.kz aqparat agenttigi buǵan deiin Aitýar Qoshmambetov jumys isteitin Respublica partiiasyndaǵy kadrlyq ózgerister týraly jazǵan bolatyn. “Atameken” kásipkerlik palatasynda jumys istegen ondaǵan kadrdyń, onyń ishinde basshylyq quramda bolǵan azamattardyń osy saiasi uiymǵa jappai qyzmet aýystyrǵany belgili. Kásipkerler palatasyndaǵy mamandardy ózimen alyp ketken Qoshmambetovtiń biznesmender uiymyn synaýǵa qandai moraldyq quqyǵy bar?! Qazir elde barlyq salada bilikti kadrlar tapshylyǵy bilinip otyr. Endeshe Májilis depýtaty, Respublica partiiasy fraktsiiasynyń múshesi kúnderdiń bir kúninde qyzmetten ketkende ózi ter tókken saiasi uiymnyń da jumysyna kóńili tolmai, syn sadaǵyna alyp, kemshilikterdi kórsetedi dep seneiik!
