Májilis depýtaty Dáýlet Turlyhanov Qazaqstanda dárigerler tapshy ekenin aitty, dep habarlaidy Dalanews.kz.
"Qoldaǵy bar málimetterge sáikes 2024 jyldyń qorytyndysy boiynsha elimizde dárigerler tapshylyǵy - 3 954 maman. Sonymen qatar, orta býyn meditsina qyzmetkerleriniń jetispeýshiligi 4 505 adam deńgeiinde qalyp otyr", - dedi Turlyhanov.
Depýtattyń sózinshe, 2025 jylǵy 1 qańtardaǵy jaǵdai boiynsha eldiń densaýlyq saqtaý júiesinde shamamen 275 myń meditsina qyzmetkeri jumys isteidi, onyń ishinde 83 myńnan astamy - dárigerler, al 191 myńǵa jýyǵy - orta meditsina qyzmetkerleri.
"Osyǵan qaramastan kadrlyq disbalans saqtalyp otyr. Terapevterdiń, jalpy praktika dárigerleriniń, pediatrlardyń, akýsher-ginekologtardyń, hirýrgter men anesteziolog-reanimatologtardyń tapshylyǵy anaǵurlym seziledi. Máselen Qostanai oblysynda 2025 jylǵy birinshi jartyjyldyq qorytyndysy boiynsha kadr tapshylyǵy - 326 maman. Dál osyndai máseleler Aqmola, Jambyl, Túrkistan oblystarynda kezdesedi", - dedi ol.
