Aitysker aqyn, depýtat Rinat Zaiytov Eski Qazaqstan nelikten bilikke kelgisi keletinin, alpaýyt kúsh áli kimniń qolynda ekenin aitty, - dep habarlaidy Dalanews.kz.
Onyń sózinshe, Qazaqstanda otyz jylda úlken shyrmaýyq tamyr jaiǵan.
"Otyz jylda joǵarǵy jaqta úlken orta qalyptasyp alǵan, bir-birimen sybailasqan, bailasqan. Anaý ananyń qudasy, anaý ananyń kúieý balasy, anaý ananyń baýyrynyń dosy degen siiaqty. Búkil Qazaqstanda tamyrlanyp, shyrmalyp. Sondyqtan negizgilerin jaýapqa tartý kerek", - dedi depýtat Bilgen Durys-qa suhbatynda.
Zaiytov bul tusta qazirgi sý tasqyny apatyna kimderdiń kinási bar ekenin de ashyq aitty.
"Sý tasqynyn alaiyq. Sý tasqyny nege boldy? Óitkeni jergilikti ákimshilik bar, tiisti ministrlik bar. Zańsyz salynǵan bógetterdi buzǵan joq. Halyq qansha talap etse de halyqtyń sózine qulaq asqan joq. Nege olar qulaq asqan joq?
Qulybaev siiaqtylardyń pármeni júrip turǵannan keiin buzylmady. Nege buzylmady? Ol halyqtyń ishinde dabyra týǵyzýǵa yńǵaily. Dabyrany nege týǵyzǵysy keledi? Prezidenttiń bedelin túsirýge óte qarqyndy jumys istep jatyr. Qit etse "Nazarbaev jaqsy" edi. Osy aktsiia júrip jatyr. Nege júrip jatyr? Qazir búkil zańdar ózgerip jatyr. Burynǵy bilikke qatysty, ózderiniń yńǵaiyna jasap alǵan zańdar qaita ózgerip jatyr. Olar ony qalamaidy. Sebebi ol jumys istei bastaǵanda aqshasynan airylady. Sondyqtan olar qaitadan bilikke kelgisi keledi", - dedi ol suhbatta.
Sonymen qatar, Zaiytov Nazarbaev áýletiniń qolynan áli kúsh, bilik ketpegenin málimdedi.
"Eski Qazaqstan degen sózdi asa kóp unatpaimyn. Eski Qazaqstandy anyqtap alaiyq, durys pa, burys pa, Eski Qazaqstandy sottaimyz ba, keshiremiz be? ...Buryn ótirik jinalys kóp bolatyn. Qazir barǵan jerde talabymyz: eshqandai ótirik jinalystyń qajeti joq. Qazirgi Májilistiń spikeri Erlan Jaqanulyna Qulsaryda, Tarbaǵataida halyq túregep turyp, "sender kinálisińder, otyz jyldyq júiede sen de jumys istediń" degen sózderge deiin aitylýy, bylai qarasań, buryn nonsens bolatyn. Qazir tikelei halyqpen bailanysýǵa áreket etip jatqan partiia (Amanat - esk.).
...Eski bilikke qatysy bar adamdardyń (apattar kimniń áreketi - esk.). Eski bilik degen kim? Búkil Qazaqstannyń aqshasyn, búkil Qazaqstannyń atqarýshy biligin basyp alǵan top edi ǵoi buryn. Nazarbaev áýleti dep aitsaq ta bolatyn shyǵar. Soǵan qatysy bar adamdar. Qazir olardy eshkim eshqaida qýyp jibere alǵan joq. Qazir munaidyń da basty tetikteri solardyń qolynda, bankter solardyń qolynda, ýniversitterge deiin", - dedi Zaiytov.
Aita keteiik, buǵan deiin depýtat Erlan Saiyrov ta sý tasqynyna 30 jyldyq júieniń áseri baryn ashyq aitqan edi.
"Keshegi sý topannyń barlyǵy 30 jyldyń ishindegi infraqurylymdyq máseleler sheshilmeýinen. EKSPO saldyq, 2,1 milliard dollar bóldik. Qazir EKSPO kimge paida berip jatyr? Eshkimge paida berip jatqan joq. 2,1 milliardty aýdandardyń búkil bógenin jasap berýge jiberetin bolsaq, qazirgi problema bolmaityn edi", - degen edi ol.
Sondai-aq, onyń pikirinshe, Qazaqstan 30 jyldaǵy júieniń kesirinen kedeilenip bara jatyr.
"Buryn halyq kedei bolsa, qazir memleketimiz de kedei bolyp qaldy. Bizde qazir Qazaqstanda oligarhtar ǵana bai. Olar 30 jyldyń ishinde halyqtyń, memlekettiń esebinen salyq tólemei ózderi baiyǵan. Bizge jańa qoǵamdyq kelisimshart kerek. Búkil qarjy qaitýy kerek.
Qazir memleketimizdiń de jaǵdaiy onsha emes. Óitkeni 30 jyldyń ishinde bankter salyq tólemeidi, iri oligarhtar salyq tólemeidi, sondai júieni jasap qoiǵanbyz. Qazir oligarhtar burynǵy jumysyn áli istep jatyr, áli olarǵa eshqandai qatań sheshim qabyldanbady", - dedi Saiyrov.
