Depýtat Oljas Quspekov kólik áinegin qarańǵylatýǵa qoiylǵan tyiymdy alyp tastaýdy usyndy, dep habarlaidy Dalanews.kz.
Oljas Quspekov Májilis otyrysynda joldaǵan saýalynda Qazaqstanǵa Jol qory qajet ekenin málimdedi.
Depýtattyń sózinshe, byltyr Qazaqstanda 36 myńnan asa jol apaty tirkelgen, bul aldyńǵy jylmen salystyrǵanda 14 paiyzǵa kóp, jol apaty saldarynan 51 myńnan asa adam zardap shegip, shamamen 2,5 myń azamat qaza tapqan.
"Jol qory respýblikalyq joldardy salý, kútip ustaý jáne jańǵyrtýǵa baǵyttalady. Halyqaralyq tájiribe mundai tásildiń tiimdiligin rastaidy. Jol qoryn tolyqtyrý kózderi retinde tólem mehanizmderi, tranzittik alymdar, aqyly jol ýchaskelerin damytý, jol boiyndaǵy qyzmet kórsetý jáne basqa salyqqa jatpaityn kirister qarastyrylýy múmkin. Sondai-aq, kóliktiń áinegin qarańǵylaýǵa arnalǵan aqyly ruqsat mehanizmin engizý de usynylady", - dedi Májilis depýtaty.
