Májilis depýtaty Erlan Sairov Úkimet basshysynyń atyna depýtattyq saýal joldap, balalar men jasóspirimderdiń áleýmettik jelilerge qoljetimdiligin zań júzinde shekteý máselesin kóterdi, dep habarlaidy Dalanews.kz.
Depýtat bul bastamany prezident Qasym-Jomart Toqaevtyń Ulttyq quryltaida aitqan ustanymdarymen tikelei bailanystyrdy.
Erlan Sairovtyń aitýynsha, Memleket basshysy Ulttyq quryltaidyń V otyrysynda qazirgi qazaqstandyq patriotizmniń negizgi qaǵidattaryn naqty aiqyndap bergen. Olar - jaýapkershilik, eńbekqorlyq, zańǵa qurmet jáne dástúrli qundylyqtardy qorǵaý.
Sonymen qatar, prezident qoǵamǵa jat minez-qulyq úlgilerin kúshtep tańýǵa jol berýge bolmaitynyn erekshe atap ótken.
"Biz Prezidenttiń bul ustanymyn tolyq qoldaimyz. Óitkeni búginde bul másele tikelei aqparattyq jáne tsifrlyq keńistikte bolyp jatqan jaǵdailarmen tyǵyz bailanysty", - dedi depýtat.
Sairov memleket tarapynan zańsyz kontentti buǵattaý, balalardy ziiandy aqparattan qorǵaý tetikteri iske asyrylyp jatqanyn atap ótti. Alaida depýtattyń pikirinshe, bul jetkiliksiz.
"Áńgime tek kontent týraly emes. Áńgime - ósip kele jatqan urpaqtyń sanasyn qalyptastyrýda. Bul - basty syn-qater", - dedi ol.
Depýtat qazirgi tańda balalardyń sanasy kún saiyn áleýmettik jeliler arqyly jáne eshqandai baqylaýsyz qalyptasyp jatqanyn aitty.
"Áleýmettik jeliler búginde jai bailanys quraly emes. Ol - oilaý júiesine, moraldyq baǵdarǵa, minez-qulyqqa jáne jastardyń óz eline degen kózqarasyna tikelei áser etetin keńistikke ainaldy", - dedi Sairov.
Depýtat halyq arasyndaǵy belgili qaǵidany mysalǵa keltirdi:
"Eger memleket tárbielemese - kóshede tárbieleidi. Al qazir kósheniń ornyn algoritmder basty".
Onyń aitýynsha, eger tsifrlyq keńistikte tsinizm, agressiia jáne kez kelgen qundylyqty joqqa shyǵarý keń taralsa, jastardan jaýapkershilik pen zańǵa qurmet kútýdiń ózi ańǵaldyq bolmaq.
"Sondyqtan tsifrlyq orta máselesi - mádeniet nemese aqparat máselesi ǵana emes.
Bul - ideologiia máselesi. Al demek, bul - ulttyq qaýipsizdik máselesi", - dedi depýtat.
Erlan Sairov áriptesi Sergei Ponomarevtiń Ulttyq quryltaida aitqan usynysyn qoldaitynyn jetkizdi. Ol - 14–16 jasqa deiingi balalarǵa áleýmettik jelilerdi shekteý máselesi.
Depýtat bul bastamanyń halyqaralyq tájiribege tolyq sai keletinin atap ótti.
Atap aitqanda:
Frantsiiada 2023 jyldan bastap 15 jasqa deiingi balalar úshin «tsifrlyq kámeletke tolý» zańy qoldanysta;
Norvegiia men Ispaniiada 2024 jyly áleýmettik jelini óz betinshe paidalaný jasy 15–16 jasqa deiin kóterildi;
2025 jylǵy qarashada Eýroparlament búkil EO elderi úshin biryńǵai minimaldy jas shegin - 16 jas dep bekitý jóninde rezoliýtsiia qabyldady.
Osyǵan bailanysty depýtat Úkimetten úsh baǵyt boiynsha resmi túsinikteme berýdi surady:
Balalar men jasóspirimderdiń aqparattyq qaýipsizdigin qorǵaýda jekelegen tehnikalyq sheshimderden birtutas memlekettik saiasatqa kóshý boiynsha qandai sharalar qabyldanyp jatyr?
Mádeniet jáne aqparat ministrligi, Oqý-aǵartý ministrligi, Tsifrlyq damý jáne jasandy intellekt salasyna jaýapty organdardyń tsifrlyq keńistikte ortaq qundylyqtyq saiasatty ilgeriletýi qalai úilestiriledi?
Kámeletke tolmaǵandardyń áleýmettik jelilerge qoljetimdiligin zańmen shekteý múmkindigi qarastyryla ma?
