Májilis depýtaty Ashat Aimaǵambetov Densaýlyq saqtaý ministrliginiń jumysyn synǵa aldy, - dep habarlaidy Dalanews.kz.
Aimaǵambetovtiń aitýynsha, Densaýlyq saqtaý ministrligi barlyq máselege bir jaýap beredi.
"Eger birdeńe durys bolmasa, biz únemi jarnany kóbeitýge tyrysamyz, bul jaǵdaida biznesten de, azamattardan da alynatyn jarnalar kóbeiedi. ...Mindetti áleýmettik meditsinalyq saqtandyrý (MMS) ádisnamasyn jaqsartý qajet", - dedi májilismen.
Depýtat Densaýlyq saqtaý ministrliginiń naqty normativteri joq ekenin, sondyqtan emhanalarda tirkeýge qatysty problemalar bar ekenin de aitty.
"Nashar menedjment týraly da aitýǵa bolmaidy, bas dárigerlerdiń 100 paiyzy jaman basshy bolýy múmkin emes. Jańa basshylyqtyń barlyq suraqqa naqty jaýaptary bolady dep senemin", - dedi Ashat Aimaǵambetov.
Sonymen qatar, depýtattyń aitýynsha, búginde qazaqstandyqtar MÁMS-ke jáne aqyly meditsinalyq qyzmetke aqsha tóleidi. Biraq meditsinalyq qyzmetti ýaqytynda ala almai otyr.
"Biz MÁMS-ti engizerdiń aldynda maqsaty qandai dep suraq qoidyq. Onda azamattardyń endi óz qaltasynan emdelýge tóleitin qarajaty azaiady degen jaýap bolǵan. Biraq birneshe jyl ótti. Biz ne kórip otyrmyz? Kerisinshe bir jaǵynan azamattar óz qaltasynan (MÁMS-ke) jarnasyn tóleidi. Ekinshi jaǵynan aqyly (meditsinalyq) qyzmetke tóleitin aqsha azaimaq túgili birshama kóterildi jáne kóterilip te jatyr", - dedi ol.
