Májilis depýtaty Ashat Aimaǵambetov áleýmettik jelilerge tirkelý úshin balalarǵa jas shekteýin engizýdi usyndy, dep habarlaidy Dalanews.kz.
Depýtattyń sózinshe, Qazaqstanda bala TikTok nemese Instagram-ǵa 5-6 jastan bastap esh kedergisiz tirkele alady.
"Tipti ata-anasynyń kelisiminsiz ári eshqandai verifikatsiiasyz tirkele alady. Sosyn ol kez kelgen kontentke tolyq qol jetkize alady. Al kóptegen elde bul másele zańmen rettelgen. Mysaly, Daniia men Aýstraliiada tirkelýge ruqsat jasy - 15-16 jas. AQSh, Ulybritaniia jáne Irlandiiada da shekteýler engizilgen: jas boiynsha jáne áleýmettik jelige tirkelý tek ata-anasynyń rastalǵan kelisimimen júzege asady", - dedi ol.
Jasandy intellekt jáne tsifrlyq damý vitse-ministri Dmitrii Mýn depýtattyń saýalyna jaýap berip, Qazaqstanda ázirge qatań shekteýler engizý josparda joq ekenin, biraq bul baǵytta jumys júrgizilip jatqanyn aitty.
