Elimizdegi tótenshe jaǵdaıǵa baılanysty óńir-óńirlerdegi kásipkerler Elbasymyzdyń úndeýine ún qosyp, koronovırýs indetine qarsy kúreske qarjylaı qoldaý bildirip jatyr.

Sondaı ıgi istiń birin ońtústik óńirine keńinen tanymal kásipker,  Túrkistan oblystyq máslıhatynyń depýtaty,  «Nur Otan» partıasy fraksıasynyń múshesi Serikjan Seıtjanov  jalǵastyryp, 100 mln teńge qarjylaı qarjy aýdardy.

Belgili mesenat buǵan deıin de qaıyrymdy isterdiń basy-qasynda júrgenin jalpaq jurt jaqsy biledi.  Qazir de osy isimen túrkistandyq bıznesmenderge úlgi kórsetip otyr.

– Koronavırýs tek bizdiń eldi ǵana alańdatyp otyrǵan joq. 120-ǵa jýyq memleketke tarap, úreı týǵyzyp keledi. Osy rette Elbasynyń keshegi úndeýine ún qosyp, osy indetke qarsy kúres jumystaryna 100 mln teńge bólýdi azamattyq paryzym retinde bólip otyrmyn.

Bul qıyn kezeńder de artta qalyp, indet aýyzdyqtalady dep senemin.  Osyndaı qıyn-qystaý sátte eldigimizdi kórsetip, yntymaq, birliktiń arqasynda jeńip shyǵýǵa shaqyramyn, – dedi Serikjan Seıtjanov.