سونداي يگى ءىستىڭ ءبىرىن وڭتۇستىك وڭىرىنە كەڭىنەن تانىمال كاسىپكەر، تۇركىستان وبلىستىق ءماسليحاتىنىڭ دەپۋتاتى، «Nur Otan» پارتياسى فراكسياسىنىڭ مۇشەسى سەرىكجان سەيتجانوۆ جالعاستىرىپ، 100 ملن تەڭگە قارجىلاي قارجى اۋداردى.
بەلگىلى مەسەنات بۇعان دەيىن دە قايىرىمدى ىستەردىڭ باسى-قاسىندا جۇرگەنىن جالپاق جۇرت جاقسى بىلەدى. ءقازىر دە وسى ىسىمەن تۇركىستاندىق بيزنەسمەندەرگە ۇلگى كورسەتىپ وتىر.
– كوروناۆيرۋس تەك ءبىزدىڭ ەلدى عانا الاڭداتىپ وتىرعان جوق. 120-عا جۋىق مەملەكەتكە تاراپ، ۇرەي تۋعىزىپ كەلەدى. وسى رەتتە ەلباسىنىڭ كەشەگى ۇندەۋىنە ءۇن قوسىپ، وسى ىندەتكە قارسى كۇرەس جۇمىستارىنا 100 ملن تەڭگە ءبولۋدى ازاماتتىق پارىزىم رەتىندە ءبولىپ وتىرمىن.
بۇل قيىن كەزەڭدەر دە ارتتا قالىپ، ىندەت اۋىزدىقتالادى دەپ سەنەمىن. وسىنداي قيىن-قىستاۋ ساتتە ەلدىگىمىزدى كورسەتىپ، ىنتىماق، بىرلىكتىڭ ارقاسىندا جەڭىپ شىعۋعا شاقىرامىن، – دەدى سەرىكجان سەيتجانوۆ.
