Qazaqstan Respýblikasy Densaýlyq saqtaý ministrligi elimizdiń birqatar óńirindegi sý tasqyny jaǵdaiyna bailanysty taǵamnan ýlaný men juqpaly aýrýlardyń aldyn alý maqsatynda birqatar usynys jariialady, dep habarlaidy Dalanews.kz.
Ministrlik usynystary mynadai:
Ishý jáne tamaq pisirý úshin tek bótelkedegi nemese qainaǵan sýdy paidalanyńyz;
Sý basý oryndarynda bulaqtardan, qudyqtardan jáne uńǵymalardan sý ishpeńiz;
Sý tasqynyna malynǵan tamaq ónimderin paidalanbańyz, múmkindiginshe olardy kemirgishter men sý tasqyny jetpeitin jerlerde saqtańyz;
Tamaq isher aldynda, dárethanadan, serýendegennen, tamaq daiyndaǵannan keiin qolyńyzdy sabynmen jýyńyz;
Sý tasqynynan keiin barlyq bólmeni dezinfektsiialyq eritindilermen óńdeńiz;
Eger juqpaly aýrýlardyń belgileri bolsa (dene temperatýrasynyń joǵarylaýy, júrek ainý, qusý, nájistiń bosaýy, tamaq aýrýy, bórtpe jáne t.b.), dereý meditsina qyzmetkerine habarlaý qajet.
