قازاقستان رەسپۋبليكاسى دەنساۋلىق ساقتاۋ مينيسترلىگى ەلىمىزدىڭ ءبىرقاتار وڭىرىندەگى سۋ تاسقىنى جاعدايىنا بايلانىستى تاعامنان ۋلانۋ مەن جۇقپالى اۋرۋلاردىڭ الدىن الۋ ماقساتىندا ءبىرقاتار ۇسىنىس جاريالادى، دەپ حابارلايدى Dalanews.kz.

مينيسترلىك ۇسىنىستارى مىناداي:

ءىشۋ جانە تاماق ءپىسىرۋ ءۇشىن تەك بوتەلكەدەگى نەمەسە قايناعان سۋدى پايدالانىڭىز؛

⁠سۋ باسۋ ورىندارىندا بۇلاقتاردان، قۇدىقتاردان جانە ۇڭعىمالاردان سۋ ىشپەڭىز؛

⁠سۋ تاسقىنىنا مالىنعان تاماق ونىمدەرىن پايدالانباڭىز، مۇمكىندىگىنشە ولاردى كەمىرگىشتەر مەن سۋ تاسقىنى جەتپەيتىن جەرلەردە ساقتاڭىز؛

تاماق ىشەر الدىندا، دارەتحانادان، سەرۋەندەگەننەن، تاماق دايىنداعاننان كەيىن قولىڭىزدى سابىنمەن جۋىڭىز؛

⁠سۋ تاسقىنىنان كەيىن بارلىق بولمەنى دەزينفەكسيالىق ەرىتىندىلەرمەن وڭدەڭىز؛

ەگەر جۇقپالى اۋرۋلاردىڭ بەلگىلەرى بولسا (دەنە تەمپەراتۋراسىنىڭ جوعارىلاۋى، جۇرەك اينۋ، قۇسۋ، ءناجىستىڭ بوساۋى، تاماق اۋرۋى، بورتپە جانە ت.ب.)، دەرەۋ مەديسينا قىزمەتكەرىنە حابارلاۋ قاجەت.