Áleýmettik jelide qant diabetimen aýyratyn naýqastar meditsinalyq kómek pen dári-dármekter tappai qalyp jatqany týraly aqparat taraýda. Osyǵan bailanysty salalyq ministrlik túsinikteme berdi, dep habarlaidy Dalanews.kz.
Densaýlyq saqtaý ministrligi jelidegi bul aqparattyń shyndyqqa janaspaitynyn naqtylaidy.
"Búginde Qazaqstanda qant diabeti diagnozy qoiylǵan dispanserlik esepte 535 myńnan astam adam, onyń ishinde 5 625 bala tur. Olardyń barlyǵy qajetti dári-dármekterdi tegin alady. Memleket qant diabetimen aýyratyn bir patsientke — jaǵdaidyń aýyrlyǵyna bailanysty jylyna 618 teńgeden 6,5 mln teńgege deiin jumsaidy. Eger siz barlyq naýqastarǵa shyǵystardy esepteseńiz,onda jylyna 46 mlrd teńge bolady. Barlyq muqtaj adamdardy qamtamasyz etý jáne ósip kele jatqan qajettilikterdi jabý úshin kelesi jyldyń qańtar aiynan bastap qant diabeti kezinde dári-dármekpen qamtamasyz etý MÁMS júiesi arqyly júzege asyrylady. Bul turaqty jáne ýaqtyly qarjylandyrýdy qamtamasyz etýge múmkindik beredi", - deidi bul rette Densaýlyq saqtaý ministrligi.
Sondai-aq ministrlik taǵy mynandai qosymsha aqparatty usynady:
- Qant diabetimen aýyratyn patsientterdiń 96%-y MÁMS júiesimen qamtylǵan.
- Balalarǵa, zeinetkerlerge, júkti áielderge, múgedektigi bar adamdarǵa jáne basqa da osal toptarǵa memleket saqtandyrý tóleidi.
Sondai-aq, Densaýlyq saqtaý ministrligi qant diabetin emdeýge arnalǵan dári-dármekter tizbesin jańartty.
- Tiimdiligi dáleldengen preparattar ǵana qalady.
- Jańa býyn insýlinine — deglýdekke qoljetimdilik keńeiip keledi, ol qazir patsientterdiń barlyq sanattaryna, sonyń ishinde júkti áielder men balalarǵa qoljetimdi bolady.
Qant diabeti — myńdaǵan qazaqstandyqtardyń ómirine áser etetin aýrýlardyń biri retinde árdaiym memlekettiń erekshe baqylaýynda bolady.
