Vaktsinalaýdy toqtatýdy talap etken olar ministrlikke qarasty Sanitarlyq-epidemiologiialyq baqylaý komitetiniń resmi ókili Erjan Baitanaevty soqqynyń astyna alǵan.
Nur-Sultan qalalyq politsiia departamenti sheneýnikke dórekilik kórsetken 6 áielge aiyppul salǵany belgili boldy. Politsiia departamentiniń baspasóz qyzmeti taratqan málimet boiynsha doly áielderdiń bir toby Ministrlikter úiine basa-kóktep kirgen, al bul ótkizý erejelerine qaishy.
Politsiia qyzmetkerlerine til tigizip, olardy qol-aiaqtarymen soqqylap, kúzetshiler men densaýlyq saqtaý ministrliginiń qyzmetkerlerine sý shashqan.
Densaýlyq saqtaý ministrliginiń jaýapty qyzmetkerleri dialog qurýǵa, máselelerdi túsinýge jáne olardyń sheshimin tabýǵa tyrysqanda, áielder olarǵa balaǵat sóz aityp, betterinen soǵyp jibergen, kiimderin tartyp julqylaǵan.
"Mundai áreketterdi qoǵam quptamaidy jáne zań boiynsha ákimshilikten qylmystyq jaýapkershilikke deiin qýdalanady. Zańǵa qaishy áreketteri men buzaqylyq áreketteri úshin 6 áiel ákimshilik jaýapkershilikke tartylyp, árqaisysyna 25 AEK mólsherinde aiyppul salyndy", – delingen resmi málimdemede.
Elimizdegi 1 AEK mólsheri – 2917 teńge.
Keiin atalǵan jaǵdaiǵa bailanysty Sanitarlyq-epidemiologiialyq baqylaý komitetiniń resmi ókili Erjan Baitanaev túsinikteme berip, áielder ǵimaratqa basa-kóktep kirip, kinásiz qyzmetkerge, múmkindigi shekteýli adamǵa agressiia kórsetkenin aitqan edi.
"Osy áielderdiń ashýyna tap bolǵan múmkindigi shekteýli qyz siiaqty balalardy tárbielep otyrǵan analardyń qatygezdigine qairanmyn.
Eger olar osyndai qorǵansyz adamǵa kúsh kórsete alsa, múgedekterdiń quqyqtaryn qorǵaýdy talap etýi ekijúzdilik bolyp shyqpai ma? Múmkindigi shekteýli adamǵa analardyń agressiia kórsetýi durys pa?
Biz árqashan dialogqa jáne tiisti reaktsiiaǵa, tyńdaýǵa, kómektesýge, ymyraǵa kelýge daiynbyz, óitkeni biz zaiyrly jáne quqyqtyq memlekette ómir súrip jatyrmyz.
Men barlyq azamattardy sanaly bolýǵa shaqyramyn!", – degen bolatyn sheneýnik.
https://dalanews.kz/news/65371-bir-top-ayelden-taiaq-zhegen-densaumin
