7–9 aqpan aralyǵynda barikalyq qurylymdardyń jyldam aýysýyna bailanysty Qazaqstan aýmaǵynda aýa raiy turaqsyz bolady, dep habarlaidy Dalanews.kz Qazgidrometke silteme jasap.
Respýblika aýmaǵynyń basym bóliginde jańbyr men qar túrinde jaýyn-shashyn túsip, boran, jeldiń kúsheiýi jáne kóktaiǵaq qubylystary kútiledi. Kezeńniń basynda eldiń shyǵys óńirlerinde, al sońynda batys aimaqtarda qatty qar jaýýy boljanyp otyr. Ońtústikte búkil kezeń boiy qatty jaýyn-shashyn (jańbyr, qar) kútiledi.
Sonymen qatar, elimizdiń birqatar óńirinde aýa temperatýrasynyń birtindep joǵarylaýy baiqalady.
Batys óńirlerde túngi temperatýra 13–23 gradýs aiazdan 0–10 gradýs aiazǵa deiin kóterilip, kúndiz 3–12 gradýs aiazdan 10 gradýs aiaz – 2 gradýs jylýǵa deiin jetedi.
Soltústik-batysta túnde 17–28 gradýs aiazdan 3–13 gradýs aiazǵa deiin, kúndiz 10–20 gradýs aiazdan 0–8 gradýs aiazǵa deiin jylynady.
Soltústik aimaqtarda túngi aýa temperatýrasy 18–28 gradýs aiazdan 5–15 gradýs aiazǵa deiin joǵarylap, kúndiz 13–21 gradýs aiazdan 10 gradýs aiaz – 1 gradýs jylýǵa deiin kóteriledi.
Ońtústikte túnde 3–18 gradýs aiazdan 5 gradýs aiaz – 8 gradýs jylýǵa deiin, al kúndiz 13 gradýs aiaz – 5 gradýs jylýdan 5–15 gradýs jylýǵa deiin jetedi.
Shyǵys óńirlerde túngi temperatýra 0–12 gradýs aiazdan 10–20 gradýs aiazǵa deiin tómendep, kúndiz 0–10 gradýs aiazdan 7–15 gradýs aiazǵa deiin saqtalady.
Al ońtústik-shyǵysta túnde 0–13 gradýs aiazdan 2–16 gradýs aiazǵa deiin sýytyp, kúndiz 0–13 gradýs aiazdan 5 gradýs aiaz – 8 gradýs jylýǵa deiin joǵarylaidy.
Sinoptikter aýa raiynyń qolaisyzdyǵyna bailanysty turǵyndardy jolda abai bolýǵa jáne qaýipsizdik sharalaryn saqtaýǵa shaqyrady.
