Debatta "Aq jol" partiiasynyń múshesi aýyldyq ipotekany engizýdi usyndy
– Biz kedeilikti, bailar men kedeiler arasyndaǵy alshaqtyqty, azaitamyz. Ekonomikanyń monopoliiasyzdanýyn qolǵa alamyz. Biz kedeilikti qalai joiý kerektigin bilemiz. Ol úshin buqaralyq kásipkerlikke múmkindik jasaý kerek. Partiia shaǵyn kásipkerlikti eseptilikten bosatýdy talap etedi. Patent boiynsha jumys isteýge, onyń ainalymyn 100 mln teńgege deiin kóbeitýge múmkindik berilse deimiz. Bul jumys ornyn myńǵa deiin kóbeitýge jol ashady. Ony jumyspen qamtýdyń áli birde-bir baǵdarlamasy jasaǵan joq, – dep atap ótti partiia múshesi.
Sondai-aq ol sheteldik jer qoinaýyn paidalanýshylarmen kelisimsharttardy qaita qaraý qajet dep otyr.
– Sheteldik jer qoinaýyn paidalanýshylarmen kelisimsharttardy qaita qaraý qajet. Sonymen qatar Qazaqstannyń olardyń tabysyndaǵy úlesin arttyrý kerek. Shetel asqan jemqorlardyń aqshasy qaitarylýy tiis. Aýyl turǵyndarynyń turǵyn úi jaǵdaiyn jaqsartý maqsatynda aýyldyq ipotekany engizýdi usynamyz, – dedi Dániia Espaeva.
