دەباتتا "اق جول" پارتيياسىنىڭ مٷشەسٸ اۋىلدىق يپوتەكانى ەنگٸزۋدٸ ۇسىندى
– بٸز كەدەيلٸكتٸ, بايلار مەن كەدەيلەر اراسىنداعى الشاقتىقتى, ازايتامىز. ەكونوميكانىڭ مونوپوليياسىزدانۋىن قولعا الامىز. بٸز كەدەيلٸكتٸ قالاي جويۋ كەرەكتٸگٸن بٸلەمٸز. ول ٷشٸن بۇقارالىق كەسٸپكەرلٸككە مٷمكٸندٸك جاساۋ كەرەك. پارتييا شاعىن كەسٸپكەرلٸكتٸ ەسەپتٸلٸكتەن بوساتۋدى تالاپ ەتەدٸ. پاتەنت بويىنشا جۇمىس ٸستەۋگە, ونىڭ اينالىمىن 100 ملن تەڭگەگە دەيٸن كٶبەيتۋگە مٷمكٸندٸك بەرٸلسە دەيمٸز. بۇل جۇمىس ورنىن مىڭعا دەيٸن كٶبەيتۋگە جول اشادى. ونى جۇمىسپەن قامتۋدىڭ ەلٸ بٸردە-بٸر باعدارلاماسى جاساعان جوق, – دەپ اتاپ ٶتتٸ پارتييا مٷشەسٸ.
سونداي-اق ول شەتەلدٸك جەر قويناۋىن پايدالانۋشىلارمەن كەلٸسٸمشارتتاردى قايتا قاراۋ قاجەت دەپ وتىر.
– شەتەلدٸك جەر قويناۋىن پايدالانۋشىلارمەن كەلٸسٸمشارتتاردى قايتا قاراۋ قاجەت. سونىمەن قاتار قازاقستاننىڭ ولاردىڭ تابىسىنداعى ٷلەسٸن ارتتىرۋ كەرەك. شەتەل اسقان جەمقورلاردىڭ اقشاسى قايتارىلۋى تيٸس. اۋىل تۇرعىندارىنىڭ تۇرعىن ٷي جاعدايىن جاقسارتۋ ماقساتىندا اۋىلدىق يپوتەكانى ەنگٸزۋدٸ ۇسىنامىز, – دەدٸ دەنييا ەسپاەۆا.
